प्रस्थान 14:21 - परमेश्‍वरए ताँ तमु क्युइर

²¹ झाइले खीजी बिब् धोंलेन् मोशाइ ह्रोंसए यो मा ङ्युँइए फिर स्योंइ, धै याहवेहजी म्हुँइँसतिमि स्यारउँइँले खैं कुल्मिंसि मा ङ्युँइर्बै क्युलाइ लिग्याँइ स्योमिंमा क्यु ङ्हिंबाँ तसि मा ङ्युँइर (समुद्र) कारा क्ल्ह्‍यो तयाइ।

प्रस्थान 14:21 ပူးပေါင်းရင်းမြစ်များ

उत्पत्ति 8:1

दिलेया परमेश्‍वरजी नोआ नेरो चने बालु क्यु झाजर मुँबै ताँन् धिंर न्हबै खेदोमैं नेरो क्ह्‍योंर्बै खेदोमैं मैंसि पृथ्‍बीर खैं कुल्मिंइ। धै क्यु ङ्हारबर होंइ।

भजनमैं 136:13

खीजी ओल्ग्या मा ङ्युँइ ङ्हिबाँ लवाइ। खीए म्हाँया खोंयोंन् बिलै तरिम्।

भजनमैं 148:8

धै काम्‍लि-तिम्‍लि, तिस्यु, क्लिं नेरो न्हाँम्स्यो, धै खीजी बिबै ताँ ङिंबै नाँ-खैंज्यै या खीलाइन थेब् लद्!

भजनमैं 66:6

खीजी मा ङ्युँइर ओबनो क्‍ल्‍ह्‍यो लमिंइ; धै चमैं प्हलेइ प्रसिन् मा ङ्युँइए क्योंज ह्‍याइ। खो, खीजी लबै के ङ्ह्‍योसि ङ्यो सैं तोंले।

भजनमैं 74:13

क्हिजी ह्रोंसए शक्तिजी मा ङ्युँइ ङ्हिंबाँ लवाइ; मा ङ्युँइए न्होंर मुँबै सो प्ह्‍याबै थे-थेबै ङ्हिंन् ङ्हाँबै सैमैंए क्र त्हुला भुँ लवाइ।

भजनमैं 78:13

खीजी मा ङ्युँइ ङ्हिबाँ लइ धै क्युए म्हाँजोउँइँले चमैंलाइ क्योंज डोरेबोइ, धै खीजी गारा धोंले क्यु रामिंइ।

प्रस्थान 14:16

ह्रोंसए योइ प्हरे क्वेसि मा ङ्युँइउँइँ (समुद्रउँइँ) स्योंन्। धै मा ङ्युँइ ङ्हिंबाँतमा इस्राएलीमैं चए म्हाँजोउँइँले ओबनो क्ल्ह्‍योर प्रसि ह्‍याल् खाँब्मुँ।

प्रस्थान 14:20

मिश्रीमैंए सिपाइमैं नेरो इस्राएलीमैंए सिपाइमैंए म्हाँजोर न्हाँम्स्यो खसि म्हुँइँस तिमि तिराइ मि आम्रोंब् तइ धै अर्को क्ल्ह्‍योइ मि म्रोंब् लमिंइ। छतमा चमैं म्हुँइँसतिमि घ्रि घ्रिए ङाँर खल् आखाँ।

प्रस्थान 15:8

क्हिए नखुँर्बै सोइ फुइमा क्युए थुप्रो तयाइ। प्ल्होंखबै क्यु क्ल्ह्‍यो घ्रिर्न थुप्रो तसि बान्‍नों धोंले राइ। गैरु क्यु मा ङ्युँइए म्हाँजोर चाँयाइ।

प्रस्थान 7:19

धबै याहवेहजी मोशाने बिइ, “‘मिश्ररर्बै स्यों, क्युखादुँ, ङ्‍ह्‍योखो, नेरो कुलोर्बै क्यु को तयारिगे बिसि क्हिए प्हरे किंसि च ताँनए फिर क्हिए यो स्योंन्,’ बिसि हारूनने बिद्। ‘छलस्याँ ताँन् मिश्रर मुँबै क्यु, सिं नेरो युँमाइ बनेबै छेदो न्होंर्बै क्युमैं या, को तयाब्मुँ।’”

चेला चिब्मैंए केमैं 7:36

चु मोशाइन मिश्र ह्‍युलर, ओल्ग्या मा ङ्युँइर, नेरो क्यु आयोंबै क्ल्ह्‍योरि प्लिच्यु बर्ष समन् औदिबै के नेरो चिनुमैं उँइँसि चमैं मिश्रउँइँले बैरु तेमिंइ।