प्रस्थान 14:13 - परमेश्‍वरए ताँ तमु क्युइर

¹³ मोशाइ इस्राएलीमैंने बिइ, “क्हेमैं आङ्हिंन्ले सैं भोंब लद्। ङ्ह्‍योद्! याहवेहजी तिंयाँ क्हेमैंलाइ मिश्रउँइँले फ्रेमिंब्मुँ। चु मिश्रीमैं क्हेमैंइ तिंयाँ म्रोंइमुँ, तारे क्हेमैंइ धबै चमैंलाइ खोंयोंन् बिलै म्रोंरिब् आरे।

प्रस्थान 14:13 ပူးပေါင်းရင်းမြစ်များ

उत्पत्ति 15:1

च लिउँइँ याहवेह अब्राम ङाँर म्रोंयुसि चने बिइ, “अब्राम, क्हि आङ्हिंन्, क्हिए ढाल ङन् ग; ङइ क्हिलाइ बेल्‍ले थेबै इनाम पिंब्मुँ।”

उत्पत्ति 26:24

याहवेह च म्हुँइँसर्न इसहाक ङाँर युसि बिइ, “ङ क्हिए आबा अब्राहामए परमेश्‍वर ग। आङ्हिंन्! तलेबिस्याँ ङ क्हिने बालुन् मुँ। ङइ क्हिए फिर आशिक पिंब्मुँ, ङए सेवा लबै अब्राहामने बालु ङइ बाछा फैब् धोंले क्हिए सन्तानमैं ङइ ल्हें लमिंब्मुँ।”

उत्पत्ति 46:3

खीजी बिइ, “ङ परमेश्‍वर क्हिए आबाए परमेश्‍वर ग। मिश्र ह्‍याबर आङ्हिंन् चर ङइ क्हिउँइँले थेबै ह्रें घ्रि बनेब्मुँ।

उत्पत्ति 49:18

“ओ याहवेह, क्हिजी जोगेमिंम् बिसि ङ पैंरिइमुँ।

भजनमैं 3:8

क्हिए आशिकए यो क्हिए म्हिमैंए फिर तरिगे; तलेबिस्याँ याहवेहजी ह्रोंसए म्हिमैं जोगेमिंम्। तिस्याँदे मैंन्

भजनमैं 68:21

क्ह्रोंसेंन ह्रोंसए शत्तुरमैंए क्र परमेश्‍वरजी तिवाब्मुँ, पापर प्ररिब्मैंए क्र कोच्याब्मुँ।

भजनमैं 78:53

चमैं आङ्हिंरिगे बिसि खीजी जोगेदै पखइ, दिलेया चमैंए शत्तुरमैं बिस्याँ मा ङ्युँइर प्ल्हुँयाइ।

भजनमैं 91:8

क्हिइ ह्रोंसए मिइ मत्‍त्रे च म्रोंब्मुँ धै दुष्‍टमैंइ योंबै सजैं म्रोंब्मुँ।

प्रस्थान 14:30

च त्हिंइर याहवेहजी इस्राएलीमैंलाइ मिश्रीमैंए योउँइँले जोगेमिंइ। मिश्रीमैं बिस्याँ मा ङ्युँइए छेउर सिसि क्हुरिह्‍याब् इस्राएलीमैंइ म्रोंइ।

प्रस्थान 20:20

मोशाइ म्हिमैंने बिइ, “क्हेमैं आङ्हिंन्, तलेबिस्याँ क्हेमैंए जाँच लबर, क्हेमैंइ पाप आलरिगे धै खीने ङ्हिंरिगे बिसि परमेश्‍वर युइमु।”

मत्ती 28:5

दिलेया स्‍वर्गदूतइ च च्हमिरिमैंने बिइ, “क्‍हेमैं आङ्हिंन्! क्‍हेमैं क्रूसर च्योवाबै येशू म्‍हैबर खब् ग बिसि ङइ सेइमुँ।