प्रस्थान 14:11 - परमेश्‍वरए ताँ तमु क्युइर

¹¹ चमैंइ मोशाने बिइ, “मिश्रर छगोंमैं आरेल् वा? क्हिइ चु क्यु आयोंबै क्ल्ह्‍योर ङि सिबर पखल् वा? ङि मिश्रउँइँले पखसि खैइ तब् ङे?

प्रस्थान 14:11 ပူးပေါင်းရင်းမြစ်များ

उत्पत्ति 43:6

छबिमा याकूबइ (इस्राएलइ) बिइ, “क्हेमैंल अर्को अलि या मुँ बिसि च म्हिने बिइरि ङए फिर क्हेमैंइ तले छाबै न्हुँ तल् पिंल?”

प्रस्थान 13:17

फारोइ च म्हिमैं ह्‍याल् पिंमा पलिश्तीमैंए ह्‍युलए घ्याँउँइँले ह्‍यामा रिन्ठि तलेना परमेश्‍वरजी चमैंलाइ च घ्याँउँइँले आपख। तलेबिस्याँ “चु म्हिमैंइ ल्हडें म्रोंसि मिश्रर्न एह्‍यालै,” बिसि परमेश्‍वरजी बिल।

प्रस्थान 32:1

मोशा कोंउँइँले युब क्हैन् लब म्रोंसि इस्राएलीमैं हारून ङाँर खागु तसि “ङिलाइ मिश्र ह्‍युलउँइँले तेइ पखबै मोशालाइ तो तइ ङिइ आसे। छतसि रेद्, ङिए ओंसों-ओंसों घ्याँ तेंबर देवता घ्रि बनेमिंन्,” बिबर होंइ।

प्रस्थान 5:21

झाइले चमैंइ बिइ, “क्हेमैंइ तो तो लइमुँ? याहवेहजी म्रोंसि क्हेमैंए निसाफ लरिगे, तलेबिस्याँ क्हेमैंइ फारो नेरो चए के लबै चिब्मैंइ ङिलाइ आखोब्मैं लमिंइमुँ। छतसि ङिलाइ सैबर क्हेमैइ चमैंए योर सेलाँ पिंइमुँ।”

प्रस्थान 5:22

झाइले मोशा याहवेह ङाँर एह्‍यासि बिइ, “ओ याहवेह, क्हिजी चु म्हिमैंए फिर तले दुःख तल् पिंल? छान् तरिगे बिसि ङलाइ कुलल् वा?