प्रस्थान 13:3 - परमेश्‍वरए ताँ तमु क्युइर

³ झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

प्रस्थान 13:3 ပူးပေါင်းရင်းမြစ်များ

उत्पत्ति 15:16

पुस्ता प्लि लिउँइँ क्हिए प्हसेमैं चुर्न एखब्मुँ, तलेबिस्याँ एमोरीमैंए आछ्याँबै के तोगो समा आखाँइमुँ।”

भजनमैं 105:5

ओ खीए के लबै म्हि अब्रहामए सन्तानमैं ओ खीजी त्हाँबै याकूबए सन्तानमैं,

भजनमैं 114:1

याहवेहजी इस्राएलीमैं मिश्र ह्‍युलउँइँले पखइ, आक्होबै क्युइ पोंबै म्हिमैंए म्हाँजोउँइँले याकूबए परवारमैं त्होंखइ।

भजनमैं 136:11

खीजी इस्राएलीमैंलाइ मिश्र ह्‍युलउँइँले तेसि पखइ। खीए म्हाँया खोंयोंन् बिलै तरिम्।

भजनमैं 136:12

खीए भोंबै यो नेरो पाखरइ चमैं तेसि पखइ। खीए म्हाँया खोंयोंन् बिलै तरिम्।

भजनमैं 89:14

ठिक के नेरो ठिक निसाफ लसि क्हिजी ग्याल्स लम्; क्हिजी खोंयोंन् आनुबै म्हाँया नेरो भर लल् खाँबै के लम्।

प्रस्थान 12:15

“क्हेमैंइ ङिगैं समा प्लेढा आझोंबै क्हें चद्। ओंसोंबै त्हिंइर्न क्हेमैंइ ह्रों-ह्रोंसए धिंउँइँले ताँन् प्लेढा भ्योंवाँन्। तलेबिस्याँ खाबइ ओंसोंबै त्हिंइउँइँले ङिगैं समा प्लेढा झोंबै क्हें चमुँ च म्हि इस्राएलउँइँले तेवाब्मुँ।

प्रस्थान 12:17

क्हेमैंइ प्लेढा आझोंबै क्हें चबै चाड म्हाँदिब्ब्रें लद्। तलेबिस्याँ चु त्हिंइर्न ङइ क्हेमैंए टोलि-टोलिलाइ मिश्रउँइँले पखब् ग। छतसि क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिल् त्हुम्।

प्रस्थान 12:19

क्हेमैंए धिंर ङिगैं समा क्हेंर झोंबै प्लेढा थेंल् आत। खाबज्यै प्लेढा झोंबै सै चस्याँ च आगुए ह्‍युलर्बै म्हि मुँलेया इस्राएली मुँलेया च इस्राएलीमैं ङाँइँले तेवाब्मुँ।

प्रस्थान 12:2

“चु म्हैंन क्हेमैंए ल्हागिर बर्षए ओंसोंबै म्हैंन तब्मुँ।

प्रस्थान 12:41

प्लिब्रासे सोंच्यु बर्ष तबै त्हिंइर्न याहवेहए ताँन् म्हिमैं मिश्रउँइँले त्होंइ।

प्रस्थान 12:42

मिश्रउँइँले चमैं तेइ पखबर च म्हुँइँसर याहवेह न्हरु आच्हुइल्‍ले चमैं म्रोंइ। छतसि इस्राएलीमैं या च म्हुँइँसर न्हरु आच्हुइल्‍ले पुस्ता पुस्ता समा याहवेहए मान लरिगे।

प्रस्थान 12:8

चमैंइ च म्हुँइँसर्न चए से मिर ख्रोंसि प्लेढा आझोंबै क्हें नेरो काँबै पिंट्हाने चरिगे

प्रस्थान 13:14

प्हँना लिउँइँ क्हेमैंए च्हमैंइ तले छ लब् जा बिसि क्हेमैंने ङ्योए बिस्याँ, च त्हेर क्हेमैंइ चमैंने छले बिद्, ‘याहवेहजी ङिलाइ केब्छैं तसि टिल् त्हुबै मिश्र ह्‍युलउँइँले ह्रोंसए शक्‍तिए योजी तेइ पखमिंइ।

प्रस्थान 13:9

याहवेहजी ह्रोंसए शक्‍तिए योजी मिश्रउँइँले क्हेमैं तेइ पखब् ग। छतसि याहवेहजी पिंबै ठिमर्बै ताँमैं क्हेमैंए सुँर तरिगे बिसि क्हेमैंए ल्हागिर योर नेरो ङ्‍होए ओंसों क्हेमैंलाइ मैंल् लमिंबै चिनु तब्मुँ।

प्रस्थान 20:2

“ङ याहवेह क्हेमैंए परमेश्‍वर ग, क्हेमैं केब्छैंमैं तसि टिबै मिश्र ह्‍युलउँइँले ङइन तेसि पखइ।

प्रस्थान 20:8

“प्रिबै त्हिंइ पबित्र ङ्हाँल् त्हुम् बिसि सैंर मैंन्।

प्रस्थान 23:15

क्हेमैंइ प्लेढा आझोंबै क्हें चबै चाड म्हाँदिद्। ङइ क्हेमेंने बिब् धोंले आबीब म्हैंनर बिबै त्हेर ङिगैं समा प्लेढा आझोंबै क्हें चद्, तलेबिस्याँ चु म्हैंनर्न क्हेमैं मिश्र ह्‍युलउँइँले त्होंइ खब् ग। क्हेमैं ङ ङाँर खमा यो क्होत्‍ते आखो।

प्रस्थान 3:20

छतसि ङ चमैंए म्हाँजोर ङए यो क्वेसि औदिबै केमैंउँइँले मिश्रीमैंए फिर ल्हिब्मुँ। च लिउँइँ च म्रुँइ क्हेमैंलाइ ह्‍याल् पिंब्मुँ।

प्रस्थान 34:18

“प्लेढा आझोंब क्हें चबै चाड म्हाँदिद्। ङइ बिब् धोंले आबीब म्हैंनर ङिगैं समा प्लेढा आझोंब क्हें चद्, तलेबिस्याँ च म्हैंनर क्हेमैं मिश्र ह्‍युलउँइँले त्होंइ खब् ग।

प्रस्थान 6:1

च त्हेर याहवेहजी मोशाने बिइ, “ङइ फारोलाइ तो लब्मुँ बिसि तारे क्हिइ म्रोंब्मुँ। ङए भोंबै योइ लमा चइ क्हेमैं ह्‍याल् पिंब्मुँ। ङए भोंबै योइ लमा चइ ह्रोंसए ह्‍युलउँइँले चमैंलाइ ल्हावाब्मुँ।”

प्रस्थान 6:6

“छतसि ‘ङ याहवेह ग’ बिसि इस्राएलीमैंने बिद्। ‘ङइ क्हेमैंलाइ मिश्रीमैंइ पिंबै दुःखउँइँले फ्रेमिंब्मुँ, धै चमैंए केब्छैं तसि टिल् त्हुबइले तेइ पखब्मुँ। ङए भों मुँबै यो रेसि चमैंए फिर ङ्हिंन् ङ्हाँबै दुःख पिंसि क्हेमैंलाइ जोगेमिंब्मुँ।

प्रस्थान 6:7

ङइ क्हेमैंलाइ ङए म्हिमैं तल् पिंब्मुँ, धै ङ क्हेमैंए परमेश्‍वर तब्मुँ। मिश्रीमैंए कब्छैं तसि टिल् त्हुबइले क्हेमैंलाइ तेइ पखबै ङ याहवेह क्हेमैंए परमेश्‍वर ग बिसि क्हेमैंइ सेब्मुँ

प्रस्थान 7:4

दिलेया फारोइ क्हेमैंए ताँ थेरिब् आरे। छतमा ङइ ङए शक्‍ति मिश्र ह्‍युलर उँइँब्मुँ। धै छेनाले निसाफ लसि ङए म्हिमैं मिश्रउँइँले तेइ पखब्मुँ।

मत्ती 10:12

चए धिंर होंमा क्‍हिइ ‘छिं ङ्हाँरिगे’ बिसि आशिक पिंन्।

लूका 22:19

झाइले येशूजी योर क्हें किंइ धै परमेश्‍वरलाइ धन्‍यबाद पिंसि क्‍हें लुँसि चेलामैं चुमिंसि बिइ, “चु क्‍हें ङए ज्यु ग। क्‍हेमैंए ल्हागिर ङए ज्यु ख्रो पिंब् ग। छतसि ङ मैंबै ल्हागिरि छलेन् क्हें चब्रें लद्।”

१ कोरिन्थी 11:24

झाइले परमेश्‍वरलाइ धन्‍यबाद पिंसि क्‍हें लुँसि छ बिइ, “चु क्‍हें क्‍हेमैंए ल्हागिर ङए ज्यु ग। ङलाइ मैंबै ल्हागिर चब्रें लद्।”

१ कोरिन्थी 5:8

छतमा तारे ङ्योइ प्लेढा झोंबै क्हें धों तबै ओंसोंबै आछ्याँबै बानि ब्योर पिवासि छ्याँबै केमैं लदै क्ह्रोंसेंन्बै ताँमैं पोंदै प्लेढा आझोंबै क्हें चसि चाड म्हाँदिले।

एफिसी 1:19

सों, ङ्यो बिश्‍वास लब्मैंए न्होंर खीए के लबै शक्‍ति कति थेब मुँ बिसि क्‍हेमैंइ सेब्मुँ।