प्रस्थान 13:21 - परमेश्‍वरए ताँ तमु क्युइर

²¹ झाइले चमैं त्हिंइ म्हुँइँस प्रल् खाँरिगे बिसि चमैंलाइ घ्याँ तेंबर याहवेह त्हिंइर न्हाँम्स्योए त्हो, नेरो म्हुँइँसर मिए राब तसि चमैंए ओंसों-ओंसो ह्‍यामल।

प्रस्थान 13:21 ပူးပေါင်းရင်းမြစ်များ

भजनमैं 105:39

छरि तरिगे बिसि खीजी न्हाँम्स्यो थेंमिंइ, धै म्हुँइँसर मि म्रोंरिगे बिसि मि पिंइ।

भजनमैं 68:7

ओ परमेश्‍वर, क्हिजी ह्रोंसए म्हिमैं खैले डोरेमिंजी, छलेन क्हि तोइ आरेबै क्‍ल्‍ह्‍योउँइँले तसि ओंसों ह्‍याइ। तिस्याँदे मैंन्

भजनमैं 77:20

मोशा नेरो हारूनए योउँइँले क्हिजी ह्रोंसए म्हिमैं क्युमैंए बगल धोंले डोरेइ।

भजनमैं 78:14

त्हिंयाँर न्हाँम्स्योए त्हो नेरो म्हुँइँसर मिए राब तसि खीजी चमैं डोरेमिंइ।

भजनमैं 99:7

न्हाँम्स्योए त्हो तसि खी चमैंने पोंइ; खीजी बिबै ताँमैं नेरो ठिममैं चमैंइ म्हाँदिइ।

प्रस्थान 10:10

फारोइ बिइ, “ङइ च्हमिरिमैं नेरो कोलोमैं क्हेमैंने ह्‍याल् पिंम् बिस्याँ क्हेमैंए रक्षा लबर याहवेह क्हेमैंनेन् मुँल् त्हुम्! तलेबिस्याँ क्हेमैंए सैंर आछ्याँब ताँमैं मुँ।

प्रस्थान 16:10

झाइले इस्राएलर्बै ताँन् म्हिमैंने हारून छले पोंमा चमैंइ क्यु आयोंबै क्ल्ह्‍योउँइँ ङ्ह्‍योइ। छले ङ्ह्‍योमा न्हँम्स्योर याहवेहए चारबै ह्‍वे म्रोंइ।

प्रस्थान 32:1

मोशा कोंउँइँले युब क्हैन् लब म्रोंसि इस्राएलीमैं हारून ङाँर खागु तसि “ङिलाइ मिश्र ह्‍युलउँइँले तेइ पखबै मोशालाइ तो तइ ङिइ आसे। छतसि रेद्, ङिए ओंसों-ओंसों घ्याँ तेंबर देवता घ्रि बनेमिंन्,” बिबर होंइ।