प्रस्थान 13:18 - परमेश्‍वरए ताँ तमु क्युइर

¹⁸ छतसि परमेश्‍वरजी चमैंलाइ स्युरसि म्हि आटिबै क्ल्ह्‍योए घ्याँउँइँले ओल्ग्या मा ङ्युँइर बोमा। इस्राएलीमैं ल्हडें लब् तयार तरिगे बिसि मिश्रउँइँले त्हों ह्‍याइ।

प्रस्थान 13:18 ပူးပေါင်းရင်းမြစ်များ

उत्पत्ति 50:25

झाइले याकूबए प्हसेमैंने कसम चबर ल्हैदिसि योसेफइ बिइ, “परमेश्‍वरजी क्हेमैंलाइ छेनाले ङ्‍ह्‍योब्मुँ। परमेश्‍वरजी क्हेमैंलाइ बोह्‍याम् बिबै क्ल्ह्‍योर क्हेमैं ह्‍यामा ङए ह्रुइबमैं या बोयाद्।”

भजनमैं 107:7

चमैं छ्याँबै क्ल्ह्‍योर फेनेसि टिल् खाँरिगे बिसि खीजी चमैंलाइ ठिक घ्याँर डोरेइ।

भजनमैं 136:16

खीजी ह्रोंसए म्हिमैंलाइ क्यु आयोंबै क्‍ल्‍ह्‍योउँइँले डोरेपइ। खीए म्हाँया खोंयोंन् बिलै तरिम्।

भजनमैं 68:8

च त्हेर सिनै बिबै कोंर युबै परमेश्‍वरए उँइँर, इस्राएलए परमेश्‍वरए उँइँर, पृथ्बी त्हारइ, मुउँइँले नाँ युइ।

प्रस्थान 12:51

याहवेहजी इस्राएलीमैंलाइ टोलि-टोलि लसि मिश्रउँइँले च त्हिंइर्न तेसि पखइ।

प्रस्थान 14:2

“इस्राएलीमैं एसि मिग्दोल नेरो काँसए घारि मुँबै मा ङ्युँइ म्हाँजोर पि-हहिरोत ङाँर बाल सेफोनए ओंसों प्ह्रों बनेसि टिरिगे बिसि लैदिद्।

प्रस्थान 14:9

झाइले मिश्रीमैं, फारोए घोडामैं ताँन्, रथ, चए घोडा क्रेब्मैं नेरो सिपाइमैंइ इस्राएलीमैं ल्हाबोमा पि-हहिरोतए ङाँर बाल सेफोनए ओंसों मा ङ्युँइए छ्योगोर प्ह्रों बनेसि टिबै त्हेर्न चमैंलाइ स्याइ।