प्रस्थान 13:16 - परमेश्‍वरए ताँ तमु क्युइर

¹⁶ चु याहवेहजी ङिलाइ ह्रोंसए शक्‍तोए योजी मिश्रउँइँले तेइ पखमिंइ बिसि क्हेमैंए ल्हागिर योर मुँबै चिनु, नेरो ङ्‍होर मुँबै चिनु घ्रि तब्मुँ।’”

प्रस्थान 13:16 ပူးပေါင်းရင်းမြစ်များ

भजनमैं 136:11

खीजी इस्राएलीमैंलाइ मिश्र ह्‍युलउँइँले तेसि पखइ। खीए म्हाँया खोंयोंन् बिलै तरिम्।

प्रस्थान 12:13

क्हेमैं टिबै धिंजरे च को क्हेमैंए ल्हागिर चिनु तब्मुँ। ङइ च को म्रोंसि क्हेमैंलाइ तोइ आलल्‍ले पिवाब्मुँ, ङइ मिश्रीमैं नास लमा क्हेमैंए फिर तोइ दुःख तरिब् आरे।

प्रस्थान 12:41

प्लिब्रासे सोंच्यु बर्ष तबै त्हिंइर्न याहवेहए ताँन् म्हिमैं मिश्रउँइँले त्होंइ।

प्रस्थान 13:14

प्हँना लिउँइँ क्हेमैंए च्हमैंइ तले छ लब् जा बिसि क्हेमैंने ङ्योए बिस्याँ, च त्हेर क्हेमैंइ चमैंने छले बिद्, ‘याहवेहजी ङिलाइ केब्छैं तसि टिल् त्हुबै मिश्र ह्‍युलउँइँले ह्रोंसए शक्‍तिए योजी तेइ पखमिंइ।

प्रस्थान 13:9

याहवेहजी ह्रोंसए शक्‍तिए योजी मिश्रउँइँले क्हेमैं तेइ पखब् ग। छतसि याहवेहजी पिंबै ठिमर्बै ताँमैं क्हेमैंए सुँर तरिगे बिसि क्हेमैंए ल्हागिर योर नेरो ङ्‍होए ओंसों क्हेमैंलाइ मैंल् लमिंबै चिनु तब्मुँ।

प्रस्थान 6:1

च त्हेर याहवेहजी मोशाने बिइ, “ङइ फारोलाइ तो लब्मुँ बिसि तारे क्हिइ म्रोंब्मुँ। ङए भोंबै योइ लमा चइ क्हेमैं ह्‍याल् पिंब्मुँ। ङए भोंबै योइ लमा चइ ह्रोंसए ह्‍युलउँइँले चमैंलाइ ल्हावाब्मुँ।”

प्रस्थान 6:6

“छतसि ‘ङ याहवेह ग’ बिसि इस्राएलीमैंने बिद्। ‘ङइ क्हेमैंलाइ मिश्रीमैंइ पिंबै दुःखउँइँले फ्रेमिंब्मुँ, धै चमैंए केब्छैं तसि टिल् त्हुबइले तेइ पखब्मुँ। ङए भों मुँबै यो रेसि चमैंए फिर ङ्हिंन् ङ्हाँबै दुःख पिंसि क्हेमैंलाइ जोगेमिंब्मुँ।

हितोपदेश 6:21

च क्हिए खों न्होंर खोंयोंइन थेंन्; धै क्हिए खरिर खिद्।

मत्ती 23:5

दिलेया चमैंइ ह्रोंसइ लबै केमैं म्हिमैंइ म्रोंरिगे बिसि उँइँम्। ङि धर्मि ग बिसि उँइँबै ल्हागिर चमैंइ ठिमर्बै ताँमैं थेंबै बट्टामैं थे-थेब लसि ङ्‍हो नेरो यो पाख्रार खिम्, छलेन ह्रोंसइ खिबै क्‍वेंर ह्रिंग्यो ह्रिंग्यो झुम्कामैं च्योसि खिम्।

चेला चिब्मैंए केमैं 13:17

इस्राएली ह्रेंर्बै परमेश्‍वरजी ङ्योए खेमैं त्हाँइ। चमैं मिश्र ह्‍युलर टिमा खीजी चमैंलाइ थेबै ह्रें लमिंइ, धै खीए शक्‍ति मुँबै योजी चमैं च ह्‍युलउँइँले तेसि पखमिंइ।