प्रस्थान 12:48 - परमेश्‍वरए ताँ तमु क्युइर

⁴⁸ दिलेया क्हिने बालु आगुए ह्‍युलर्बै म्हि खाबै मुँस्याँ, चइ दुःखउँइँले फ्रेमिंबै चाड म्हाँदिबै सैं लस्याँ चए धिंर्बै ताँन् मुँयुँमैंइ ट्हुबिर चिनु लल् त्हुम्। छलमा चइ च ह्‍युलर्न फिब धोंले च चाड म्हाँदिल् खाँम्। ट्हुबिर चिनु आलबै म्हिइ च आचरिगे।

प्रस्थान 12:48 ပူးပေါင်းရင်းမြစ်များ

उत्पत्ति 17:11

क्हेमैंए च्हमैं प्रेरोर च चिनु लल् त्हुब्मुँ, ङ नेरो क्हेमैंए म्हाँजोर्बै बाछाए चिनु चुन् तब्मुँ।

उत्पत्ति 17:12

क्हेमैंए पुस्ता-पुस्ता समा च्हमैं फिमा ताँन् मुँयुँमैंइ प्रेरोर्न चमैंए ज्युर चिनु लल् त्हुब्मुँ। क्हिए धिंर फिब् मुँले, आगुए ह्‍युलउँइँले खलै, किंइ पखबै केब्छैं मुँलेया चमैं ताँन् मुँयुँमैंए ज्युर चिनु लल् त्हुब्मुँ।

प्रस्थान 12:19

क्हेमैंए धिंर ङिगैं समा क्हेंर झोंबै प्लेढा थेंल् आत। खाबज्यै प्लेढा झोंबै सै चस्याँ च आगुए ह्‍युलर्बै म्हि मुँलेया इस्राएली मुँलेया च इस्राएलीमैं ङाँइँले तेवाब्मुँ।

प्रस्थान 12:43

याहवेहजी मोशा नेरो हारूनने बिइ, “दुःखउँइँले फ्रेमिंबै चाडर लल् त्हुबै ताँमैं चुन् ग: आगुए ह्‍युलर्बै म्हिमैंइ ख्रो पिंबै सेमैं आचरिगे।

गलाती 3:28

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।