प्रस्थान 12:41 - परमेश्‍वरए ताँ तमु क्युइर

⁴¹ प्लिब्रासे सोंच्यु बर्ष तबै त्हिंइर्न याहवेहए ताँन् म्हिमैं मिश्रउँइँले त्होंइ।

प्रस्थान 12:41 ပူးပေါင်းရင်းမြစ်များ

उत्पत्ति 50:24

झाइले योसेफइ ह्रोंसए आघें-अलिमैंने बिइ, “ङ सिबै त्हे तइ। परमेश्‍वरजी क्ह्रोंसेंन्लेन् क्हेमैंलाइ वास्ता लब्मुँ। खीजी अब्राहाम, इसहाक नेरो याकूबने बाछा फैसि पिंम् बिबै ह्‍युलर चु ह्‍युलउँइँले क्हेमैं बोमिंब्मुँ।”

भजनमैं 102:13

क्हि राब्मुँ धै सियोनाए फिर ल्हयो खब्मुँ; सियोनाए फिर ल्हयो खबै त्हे तोगोन् ग; तौदिबै त्हे फेखइमुँ।

भजनमैं 114:1

याहवेहजी इस्राएलीमैं मिश्र ह्‍युलउँइँले पखइ, आक्होबै क्युइ पोंबै म्हिमैंए म्हाँजोउँइँले याकूबए परवारमैं त्होंखइ।

भजनमैं 136:11

खीजी इस्राएलीमैंलाइ मिश्र ह्‍युलउँइँले तेसि पखइ। खीए म्हाँया खोंयोंन् बिलै तरिम्।

प्रस्थान 12:17

क्हेमैंइ प्लेढा आझोंबै क्हें चबै चाड म्हाँदिब्ब्रें लद्। तलेबिस्याँ चु त्हिंइर्न ङइ क्हेमैंए टोलि-टोलिलाइ मिश्रउँइँले पखब् ग। छतसि क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिल् त्हुम्।

प्रस्थान 12:51

याहवेहजी इस्राएलीमैंलाइ टोलि-टोलि लसि मिश्रउँइँले च त्हिंइर्न तेसि पखइ।

प्रस्थान 13:14

प्हँना लिउँइँ क्हेमैंए च्हमैंइ तले छ लब् जा बिसि क्हेमैंने ङ्योए बिस्याँ, च त्हेर क्हेमैंइ चमैंने छले बिद्, ‘याहवेहजी ङिलाइ केब्छैं तसि टिल् त्हुबै मिश्र ह्‍युलउँइँले ह्रोंसए शक्‍तिए योजी तेइ पखमिंइ।

प्रस्थान 13:16

चु याहवेहजी ङिलाइ ह्रोंसए शक्‍तोए योजी मिश्रउँइँले तेइ पखमिंइ बिसि क्हेमैंए ल्हागिर योर मुँबै चिनु, नेरो ङ्‍होर मुँबै चिनु घ्रि तब्मुँ।’”

प्रस्थान 13:3

झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

प्रस्थान 13:9

याहवेहजी ह्रोंसए शक्‍तिए योजी मिश्रउँइँले क्हेमैं तेइ पखब् ग। छतसि याहवेहजी पिंबै ठिमर्बै ताँमैं क्हेमैंए सुँर तरिगे बिसि क्हेमैंए ल्हागिर योर नेरो ङ्‍होए ओंसों क्हेमैंलाइ मैंल् लमिंबै चिनु तब्मुँ।

प्रस्थान 3:10

छतसि तारे क्हि ह्‍यासि ङए इस्राएली म्हिमैं मिश्रउँइँले तेसि पखबर ङइ क्हि फारो म्रुँ ङाँर कुलसिन् मुँ।”

प्रस्थान 3:8

छतसि चमैं मिश्रीमैंए योउँइँले फ्रेसि च ह्‍युलउँइँले छ्याँब नेरो थेबै ह्‍युलर, अथवा ङ्‍हे नेरो खुदु ल्हें योंबै ह्‍युलर पखबर ङ तयुइमुँ। च ह्‍युलर कनानी, हित्ती, एमोरी, परिज्जी, हिव्वी नेरो यबूसीमैं टिब्मुँ।

प्रस्थान 6:26

याहवेहजी चु हारून नेरो मोशाने “इस्राएलीमैंलाइ कुल कुल लसि मिश्रउँइँले तेइ पखो” बिसि बिल।

प्रस्थान 6:6

“छतसि ‘ङ याहवेह ग’ बिसि इस्राएलीमैंने बिद्। ‘ङइ क्हेमैंलाइ मिश्रीमैंइ पिंबै दुःखउँइँले फ्रेमिंब्मुँ, धै चमैंए केब्छैं तसि टिल् त्हुबइले तेइ पखब्मुँ। ङए भों मुँबै यो रेसि चमैंए फिर ङ्हिंन् ङ्हाँबै दुःख पिंसि क्हेमैंलाइ जोगेमिंब्मुँ।

प्रस्थान 7:4

दिलेया फारोइ क्हेमैंए ताँ थेरिब् आरे। छतमा ङइ ङए शक्‍ति मिश्र ह्‍युलर उँइँब्मुँ। धै छेनाले निसाफ लसि ङए म्हिमैं मिश्रउँइँले तेइ पखब्मुँ।

यूहन्‍ना 7:8

क्‍हेमैं चाड म्हाँदिबर ह्‍याद्। ङ चु चाड म्हाँदिबर आह्‍या, तलेबिस्याँ ङए त्हे अझै आतइमुँ।”

चेला चिब्मैंए केमैं 1:7

खीजी चमैंने बिइ, “परमेश्‍वर आबाजी ह्रोंसए हगउँइँले तोक्‍दिबै त्हे खीजीन् सेमुँ, क्‍हेमैंइ सेल् आत्‍हु।

चेला चिब्मैंए केमैं 7:36

चु मोशाइन मिश्र ह्‍युलर, ओल्ग्या मा ङ्युँइर, नेरो क्यु आयोंबै क्ल्ह्‍योरि प्लिच्यु बर्ष समन् औदिबै के नेरो चिनुमैं उँइँसि चमैं मिश्रउँइँले बैरु तेमिंइ।