प्रस्थान 12:37 - परमेश्‍वरए ताँ तमु क्युइर

³⁷ इस्राएलीमैं रामसेसउँइँले प्रसि सुक्‍कोत बिबै क्ल्ह्‍योर ह्‍याइ। प्हलेइ प्रब्मैं च्हमिरिमैं नेरो कोलोमैं पिसि लाख टुदे मुँल।

प्रस्थान 12:37 ပူးပေါင်းရင်းမြစ်များ

उत्पत्ति 12:2

ङइ क्हिउँइँले थेबै ह्रें लमिंब्मुँ, धै क्हिलाइ आशिक पिंसि। क्हिए मिं कालिदिब् लमिंब्मुँ, झाइले क्हि आशिकए मुल तब्मुँ।

उत्पत्ति 15:5

खीजी चलाइ बैरु बोसि बिइ, “मुउँइँ ङ्योद्! मुर्बै मुसारमैं च्योल् खाँम् उ आखाँ? क्हिए प्हसेमैं या मुसारा धोंलेन् ल्हें तब्मुँ।”

उत्पत्ति 46:3

खीजी बिइ, “ङ परमेश्‍वर क्हिए आबाए परमेश्‍वर ग। मिश्र ह्‍याबर आङ्हिंन् चर ङइ क्हिउँइँले थेबै ह्रें घ्रि बनेब्मुँ।

उत्पत्ति 47:11

झाइले फारोइ बिब् धोंलेन् योसेफइ ह्रोंसए आबा नेरो आघें-अलिमैंलाइ मिश्रर्बै ताँन् भन्दा छ्याँब रामसेस बिबै ह्‍युलर चमैं क्ल्हे तबर क्ल्ह्‍योमैं पिंइ।

प्रस्थान 1:11

छतसि मिश्रीमैंइ इस्राएलीमैंलाइ बेल्‍ले गारो के ल्हैदिबै चिब्मैं त्हाँइ। धै चमैंइ फारोए ल्हागिर पिताम नेरो रामसेस बिबै म्ल्ह नारिमै खुथेंबै सहरमैं बनेइ।

प्रस्थान 10:9

मोशाइ बिइ, “ङि, ङिए कोलोमैं, खेब् माँब्मैं, च्ह च्हमिमैं, र-क्युमैं नेरो खेदोमैं किंसि ह्‍याब्मुँ, तलेबिस्याँ ङिइ याहवेहए ल्हागिर चाड म्हाँदिल् त्हुम्।”

प्रस्थान 13:20

इस्राएलीमैं सुक्‍कोतउँइँले ह्‍याबै लिउँइँ म्हि आटिबै क्ल्ह्‍योए ङाँर एथाम् बिबै नाँसर प्ह्रों बनेसि बास टिइ।

प्रस्थान 38:26

ङ्हिस्यु बर्ष भन्दा कैंडुबै म्हिमैं च्योमा लाख टुसे हजार सोंसे ङ्‍हब्रसे ङ्हच्यु (६,०३,५५०) तल। च ताँन् म्हिमैंइ एखबै मुइ पबित्र तम्बुर्बै पारइ क्वेमा आधा शेकेल मुँल।