प्रस्थान 12:29 - परमेश्‍वरए ताँ तमु क्युइर

²⁹ झाइले राजगद्दिर टिबै फारोए च्ह थेबउँइँले किंसि झेलर मुँब्मैंए च्ह थेब, खेदोमैंए ओंसो फिब नेरो मिश्रर्बै च्ह थेब्मैं ताँन् याहवेहजी च म्हुँइँस आधार सैवाइ।

प्रस्थान 12:29 ပူးပေါင်းရင်းမြစ်များ

उत्पत्ति 15:14

दिलेया क्हिए प्हसेमैं खाब् ह्रेंमैंए केब्छैं तब्मुँ, च ह्रेंर्बै म्हिमैंलैया ङइ निसाफ लब्मुँ। लिउँइँ चमैं त्होंखमा ल्हें मारा-मुइ किंसि खब्मुँ।

भजनमैं 105:36

झाइले खीजी चमैंए ह्‍युलर्बै च्ह थेब नास लवाइ, चमैंए ओंसों फिबै च्हमैं सैवाइ।

भजनमैं 135:8

स्योंम खीजी मिश्रीमैंए ओंसों फिबै च्हमैं, नेरो ओंसों फिबै खेदोमैं सैवाइ।

भजनमैं 136:10

खीजी मिश्र ह्‍युलर्बै च्ह थेब ताँन् सैवाइ। खीए म्हाँया खोंयोंन् बिलै तरिम्।

भजनमैं 78:50

खीजी ह्रोंस ह्रिस खबै घ्याँ तयार लइ; चमैंलाइ कालउँइँले आजोगेमिं, दिलेया चमैंलाइ रुडिइ नास लवाइ।

भजनमैं 78:51

खीजी मिश्र ह्‍युलर्बै च्ह थेब्मैं ताँन् सैवाइ, हाम बिबै ह्रेंर्बै ठागुमैं या सैवाइ।

प्रस्थान 11:1

झाइले याहवेहजी मोशाने बिइ, “ङइ धबै थेबै दुःख घ्रि फारो नेरो मिश्रफिर कुलब्मुँ। च लिउँइँ चइ क्हेमैं च ह्‍युलउँइँले छेनाले ह्‍याल् पिंब्मुँ।

प्रस्थान 12:12

“च म्हुँइँसर ङ मिश्र तसि ह्‍याब्मुँ, धै मिश्रर्बै म्हि नेरो खेदोए ओंसों फिब्मैं सैवाब्मुँ, धै मिश्रर्बै ताँन् देवतामैंए बिरोधर ङइ निसाफ लब्मुँ। तलेबिस्याँ ङ याहवेह ग।

प्रस्थान 12:28

झाइले याहवेहजी मोशा नेरो हारूनने बिब् धोंले इस्राएलीमैंइ ताँन् लइ।

प्रस्थान 13:15

च त्हेर फारोइ सैं सारो लसि ङिलाइ ह्‍याल् आपिं, छतमा याहवेहजी मिश्रर ताँन् म्हि नेरो खेदोए ओंसों फिब्मैं सैवाइ। छतसि ओंसों फिबै त्होबामैं याहवेहए ल्हागिर ख्रो पिंमुँ, धै ङए च्हमैं न्होंर्बै च्ह थेबलाइ या ख्रो पिंसि खाम्।

प्रस्थान 4:23

चइ ङए सेवा लबर ङए च्ह ह्‍याल् पिंन् बिसि ङइ क्हिने बिइ, दिलेया क्हिइ चलाइ ह्‍याल् आपिं। छतसि ङइ क्हिए च्ह थेब सैवाब्मुँ।’”

प्रस्थान 9:6

चए प्हँन्हाँग्धों याहवेहजी च के लइ, धै मिश्रर्बै खेदोमैं ताँन् सिइ, इस्राएलीमैंल बिस्याँ खेदो घ्रि या आसि।

हिब्रू 11:28

काल पखबै स्‍वर्गदूतइ इस्राएलर्बै म्‍हिमैंए च्‍ह थेबालाइ आस्‍यारिगे बिसि मोशाइ बिश्‍वासउँइँलेन् दुःखने फ्रेबै चाडए रोस म्हाँदिइ। चइ इस्राएलर्बै म्‍हिमैंने क्‍युए ख्रो पिंसि चए को म्रार प्राबर ल्हैदिइ।

हिब्रू 12:23

स्वर्गर मिं दर्ता तबै च्‍ह थेब्मैंए ङाँर, ताँनए फिर छेनाले निसाफ लबै परमेश्‍वर ङाँर नेरो पबित्र लमिंबै ठिक के लब्मैंए प्ल्हए ङाँर क्हेमैं खइमुँ।