प्रस्थान 12:24 - परमेश्‍वरए ताँ तमु क्युइर

²⁴ क्हेमैंइ चु ताँ खोंयोंन् बिलै तरिबै रोस घ्रि धोंले ह्रोंस नेरो ह्रोंसए लिउँइँबै सन्तानए ल्हागिर म्हाँदिद्।

प्रस्थान 12:24 ပူးပေါင်းရင်းမြစ်များ

प्रस्थान 12:14

च चाड क्हेमैंए ल्हागिर म्‍लेसे म्‍लेल् आखाँबै त्हिंइ तब्मुँ, क्हेमैंइ च त्हिंइ याहवेहए ल्हागिर चाड म्हाँदिब्मुँ। क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिब्रें लद्।

प्रस्थान 12:17

क्हेमैंइ प्लेढा आझोंबै क्हें चबै चाड म्हाँदिब्ब्रें लद्। तलेबिस्याँ चु त्हिंइर्न ङइ क्हेमैंए टोलि-टोलिलाइ मिश्रउँइँले पखब् ग। छतसि क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिल् त्हुम्।

प्रस्थान 12:25

याहवेहजी बाछा फैसि पिंम् बिबै ह्‍युलर क्हेमैं होंमा क्हेमैंइ चु चाड म्हाँदिद्।

प्रस्थान 13:10

बर्ष ह्रोंसे तोक्दिबै त्हेर चु चाड म्हाँदिब्ब्रें लद्।

प्रस्थान 13:5

याहवेहजी क्हेमैंने कनानी, हित्ती, एमोरी, हिव्वी नेरो यबूसीमैंए ह्‍युल अथवा ङ्‍हे नेरो क्वे खुदु बगेबै ह्‍यु‍लर पखब्मुँ, च ह्‍युल खीजी क्हेमैंए खेमैंने पिंम् बिसि ओंसों बाछा फैल, छतसि चु म्हैंनर चु चाड म्हाँदिद्।