प्रस्थान 12:19 - परमेश्‍वरए ताँ तमु क्युइर

¹⁹ क्हेमैंए धिंर ङिगैं समा क्हेंर झोंबै प्लेढा थेंल् आत। खाबज्यै प्लेढा झोंबै सै चस्याँ च आगुए ह्‍युलर्बै म्हि मुँलेया इस्राएली मुँलेया च इस्राएलीमैं ङाँइँले तेवाब्मुँ।

प्रस्थान 12:19 ပူးပေါင်းရင်းမြစ်များ

प्रस्थान 12:15

“क्हेमैंइ ङिगैं समा प्लेढा आझोंबै क्हें चद्। ओंसोंबै त्हिंइर्न क्हेमैंइ ह्रों-ह्रोंसए धिंउँइँले ताँन् प्लेढा भ्योंवाँन्। तलेबिस्याँ खाबइ ओंसोंबै त्हिंइउँइँले ङिगैं समा प्लेढा झोंबै क्हें चमुँ च म्हि इस्राएलउँइँले तेवाब्मुँ।

प्रस्थान 12:20

ङिगैं समा क्हेमैंइ प्लेढा झोंबै क्हें आचद्। क्हेमैं खनिर टिलेया प्लेढा आझोंबै क्हें चल् त्हुम्।”

प्रस्थान 12:43

याहवेहजी मोशा नेरो हारूनने बिइ, “दुःखउँइँले फ्रेमिंबै चाडर लल् त्हुबै ताँमैं चुन् ग: आगुए ह्‍युलर्बै म्हिमैंइ ख्रो पिंबै सेमैं आचरिगे।

प्रस्थान 12:48

दिलेया क्हिने बालु आगुए ह्‍युलर्बै म्हि खाबै मुँस्याँ, चइ दुःखउँइँले फ्रेमिंबै चाड म्हाँदिबै सैं लस्याँ चए धिंर्बै ताँन् मुँयुँमैंइ ट्हुबिर चिनु लल् त्हुम्। छलमा चइ च ह्‍युलर्न फिब धोंले च चाड म्हाँदिल् खाँम्। ट्हुबिर चिनु आलबै म्हिइ च आचरिगे।

प्रस्थान 13:3

झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

प्रस्थान 13:7

ङिगैं समा प्लेढा आझोंबै क्हें चद्। क्हेमैंए साँद न्होंरै या प्लेढा झोंबै चब सैमैं नेरो सोडामैं म्रोंल् आता; क्हेमैंए ह्‍युलर या आयोंरिगे।

प्रस्थान 23:15

क्हेमैंइ प्लेढा आझोंबै क्हें चबै चाड म्हाँदिद्। ङइ क्हेमेंने बिब् धोंले आबीब म्हैंनर बिबै त्हेर ङिगैं समा प्लेढा आझोंबै क्हें चद्, तलेबिस्याँ चु म्हैंनर्न क्हेमैं मिश्र ह्‍युलउँइँले त्होंइ खब् ग। क्हेमैं ङ ङाँर खमा यो क्होत्‍ते आखो।

प्रस्थान 30:33

खाबइ चु सैमैं कोंसि अभिषेक लबै छ्युगु धोंन् बनेमुँ, धै खेगि बाहेक अरू अरू म्हिमैंए फिर चु छ्युगु फोमुँ, ङए म्हिमैं ङाँइँले च म्हि तेवाब्मुँ।’”

प्रस्थान 34:18

“प्लेढा आझोंब क्हें चबै चाड म्हाँदिद्। ङइ बिब् धोंले आबीब म्हैंनर ङिगैं समा प्लेढा आझोंब क्हें चद्, तलेबिस्याँ च म्हैंनर क्हेमैं मिश्र ह्‍युलउँइँले त्होंइ खब् ग।