प्रस्थान 12:17 - परमेश्‍वरए ताँ तमु क्युइर

¹⁷ क्हेमैंइ प्लेढा आझोंबै क्हें चबै चाड म्हाँदिब्ब्रें लद्। तलेबिस्याँ चु त्हिंइर्न ङइ क्हेमैंए टोलि-टोलिलाइ मिश्रउँइँले पखब् ग। छतसि क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिल् त्हुम्।

प्रस्थान 12:17 ပူးပေါင်းရင်းမြစ်များ

प्रस्थान 12:14

च चाड क्हेमैंए ल्हागिर म्‍लेसे म्‍लेल् आखाँबै त्हिंइ तब्मुँ, क्हेमैंइ च त्हिंइ याहवेहए ल्हागिर चाड म्हाँदिब्मुँ। क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिब्रें लद्।

प्रस्थान 12:24

क्हेमैंइ चु ताँ खोंयोंन् बिलै तरिबै रोस घ्रि धोंले ह्रोंस नेरो ह्रोंसए लिउँइँबै सन्तानए ल्हागिर म्हाँदिद्।

प्रस्थान 12:41

प्लिब्रासे सोंच्यु बर्ष तबै त्हिंइर्न याहवेहए ताँन् म्हिमैं मिश्रउँइँले त्होंइ।

प्रस्थान 12:6

क्हेमैंइ च बोग्या म्हैंनर्बै च्युसे प्लिगैं समा थेंसि इस्राएलर्बै ताँन् म्हिमैंइ च ङेसा छजँ सैल् त्हुम्।

प्रस्थान 13:10

बर्ष ह्रोंसे तोक्दिबै त्हेर चु चाड म्हाँदिब्ब्रें लद्।

प्रस्थान 13:3

झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

प्रस्थान 13:8

च चाड म्हादिबै त्हिंर ‘मिश्रउँइँले त्होंइ खमा याहवेहजी ङए ल्हागिर लमिंबै केमैं मैंबै ल्हागिर चु चाड म्हाँदिब् ग,’ बिसि क्हेमैंइ ह्रोंसए च्हमैंने बिद्।

प्रस्थान 34:18

“प्लेढा आझोंब क्हें चबै चाड म्हाँदिद्। ङइ बिब् धोंले आबीब म्हैंनर ङिगैं समा प्लेढा आझोंब क्हें चद्, तलेबिस्याँ च म्हैंनर क्हेमैं मिश्र ह्‍युलउँइँले त्होंइ खब् ग।

प्रस्थान 6:26

याहवेहजी चु हारून नेरो मोशाने “इस्राएलीमैंलाइ कुल कुल लसि मिश्रउँइँले तेइ पखो” बिसि बिल।

प्रस्थान 7:5

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”