प्रस्थान 12:14 - परमेश्‍वरए ताँ तमु क्युइर

¹⁴ च चाड क्हेमैंए ल्हागिर म्‍लेसे म्‍लेल् आखाँबै त्हिंइ तब्मुँ, क्हेमैंइ च त्हिंइ याहवेहए ल्हागिर चाड म्हाँदिब्मुँ। क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिब्रें लद्।

प्रस्थान 12:14 ပူးပေါင်းရင်းမြစ်များ

भजनमैं 111:4

खीजी ह्रोंसए औदिबै केमैं मैंरिल् पिंइमुँ; याहवेहजी ङ्योए फिर ल्हयो खसि दयाम्हाँया लम्।

भजनमैं 135:13

ओ याहवेह, क्हिए मिं खोंयोंन् बिलै तरिम्, ओ याहवेह, पुस्ता-पुस्ता समा म्हिमैंइ क्हि मैंरिब्मुँ।

प्रस्थान 12:17

क्हेमैंइ प्लेढा आझोंबै क्हें चबै चाड म्हाँदिब्ब्रें लद्। तलेबिस्याँ चु त्हिंइर्न ङइ क्हेमैंए टोलि-टोलिलाइ मिश्रउँइँले पखब् ग। छतसि क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिल् त्हुम्।

प्रस्थान 12:24

क्हेमैंइ चु ताँ खोंयोंन् बिलै तरिबै रोस घ्रि धोंले ह्रोंस नेरो ह्रोंसए लिउँइँबै सन्तानए ल्हागिर म्हाँदिद्।

प्रस्थान 12:43

याहवेहजी मोशा नेरो हारूनने बिइ, “दुःखउँइँले फ्रेमिंबै चाडर लल् त्हुबै ताँमैं चुन् ग: आगुए ह्‍युलर्बै म्हिमैंइ ख्रो पिंबै सेमैं आचरिगे।

प्रस्थान 12:6

क्हेमैंइ च बोग्या म्हैंनर्बै च्युसे प्लिगैं समा थेंसि इस्राएलर्बै ताँन् म्हिमैंइ च ङेसा छजँ सैल् त्हुम्।

प्रस्थान 23:15

क्हेमैंइ प्लेढा आझोंबै क्हें चबै चाड म्हाँदिद्। ङइ क्हेमेंने बिब् धोंले आबीब म्हैंनर बिबै त्हेर ङिगैं समा प्लेढा आझोंबै क्हें चद्, तलेबिस्याँ चु म्हैंनर्न क्हेमैं मिश्र ह्‍युलउँइँले त्होंइ खब् ग। क्हेमैं ङ ङाँर खमा यो क्होत्‍ते आखो।

प्रस्थान 27:21

पबित्र तम्बुर ठिम थेंबै मुदुसए उँइँर्बै पर्दाए बैरु हारून नेरो चए च्हमैंइ याहवेहए उँइँर च बत्तिमैं ङेसउँइँले न्हाँग समा लुँरिल् लल् त्हुम्। इस्राएलीमैंए पुस्ता-पुस्ता समा खोंयोंन् बिलै चु के लल् त्हुब्मुँ।

प्रस्थान 5:1

च लिउँइँ मोशा नेरो हारून फारो म्रुँ ङाँर ह्‍यासि बिइ, “‘क्यु आयोंबै क्ल्ह्‍योर ङए ल्हागिर चाड म्हाँदिबर ङए म्हिमैं ह्‍याल् पिंन्,’ बिसि इस्राएलीमैंए याहवेह परमेश्‍वरजी बिइमुँ।”

मत्ती 26:13

क्ह्रोंसेंन ङ क्हेमैंने बिमुँ, ह्‍युल तिगोंन् परमेश्‍वरए सैं तोंबै ताँ बिमिंबै क्ल्ह्‍योजरे चु च्हमिरिइ लबै छ्याँबै केए बयन चलाइ मैंबै ल्हागिर म्‍हिमैंइ लब्‍मुँ।”

लूका 22:19

झाइले येशूजी योर क्हें किंइ धै परमेश्‍वरलाइ धन्‍यबाद पिंसि क्‍हें लुँसि चेलामैं चुमिंसि बिइ, “चु क्‍हें ङए ज्यु ग। क्‍हेमैंए ल्हागिर ङए ज्यु ख्रो पिंब् ग। छतसि ङ मैंबै ल्हागिरि छलेन् क्हें चब्रें लद्।”