प्रस्थान 12:13 - परमेश्‍वरए ताँ तमु क्युइर

¹³ क्हेमैं टिबै धिंजरे च को क्हेमैंए ल्हागिर चिनु तब्मुँ। ङइ च को म्रोंसि क्हेमैंलाइ तोइ आलल्‍ले पिवाब्मुँ, ङइ मिश्रीमैं नास लमा क्हेमैंए फिर तोइ दुःख तरिब् आरे।

प्रस्थान 12:13 ပူးပေါင်းရင်းမြစ်များ

उत्पत्ति 17:11

क्हेमैंए च्हमैं प्रेरोर च चिनु लल् त्हुब्मुँ, ङ नेरो क्हेमैंए म्हाँजोर्बै बाछाए चिनु चुन् तब्मुँ।

प्रस्थान 12:11

चु याहवेहजी दुःखउँइँले फ्रेमिंबै चाड ग। छतसि क्हेमैंइ फगि खिसि, प्हलेर जुत्ता खिसि, योर प्हरे किंसि यु-युनले चद्।

प्रस्थान 12:23

याहवेह मिश्रीमैं ल्हिबर चमैंए ह्‍युलजरे ह्‍यामा म्रा फिर नेरो त्हो ङ्हिंर खीजी को म्रोंब्मुँ झाइले च म्रा वाथेंसि नास लबै सै क्हेमैं सैबर धिं न्होंर होंल् आपिं।

प्रस्थान 12:7

झाइले खा-खाबै धिंर च ख्रोए से चमुँ, चमैंइ च को म्राए न्होंरि फिरि नेरो क्होवाइ फोरिगे।

१ थेसलोनिकी 1:10

झाइले स्वर्गउँइँले युबै परमेश्‍वरए च्‍ह खोंयों युब् ङ्‍हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।

हिब्रू 11:28

काल पखबै स्‍वर्गदूतइ इस्राएलर्बै म्‍हिमैंए च्‍ह थेबालाइ आस्‍यारिगे बिसि मोशाइ बिश्‍वासउँइँलेन् दुःखने फ्रेबै चाडए रोस म्हाँदिइ। चइ इस्राएलर्बै म्‍हिमैंने क्‍युए ख्रो पिंसि चए को म्रार प्राबर ल्हैदिइ।

१ यूहन्‍ना 1:7

दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।