प्रस्थान 10:7 - परमेश्‍वरए ताँ तमु क्युइर

⁷ फारोए के लब्मैंइ चने “खोंयों समा चुइ ङ्योलाइ दुःख पिंमुँ?” बिइ। “मिश्र ह्‍युल नास तयाइ बिब क्हिइ आसेइमुँ वा? च म्हिमैंलाइ खेंमैंए याहवेह परमेश्‍वरए सेवा लबर ह्‍याल् पिंन्।”

प्रस्थान 10:7 ပူးပေါင်းရင်းမြစ်များ

भजनमैं 107:34

धै मलिलो सलाइ चज ङ्हाँबै ह्रुखो लमिंइ। चर टिबै म्हिमैंइ आछ्याँबै केमैं लबइले छ तब् ग।

प्रस्थान 12:33

मिश्रीमैंइ इस्राएलीमैंलाइ युनन् खेंमैंए ह्‍युलउँइँले कुलबै सैं लइ। “चुमैंलाइ युनन् आकुलस्याँ ङि ताँन् सिब्मुँ,” बिसि चमैंइ बिइ।

प्रस्थान 23:33

च म्हिमैंलाइ क्हेमैंए ह्‍युलर टिल् आपिंन्। टिल् पिंइ बिस्याँ क्हेमैंलाइ ङए बिरोधर पाप लबर ल्हैदिब्मुँ, तलेबिस्याँ क्हेमैंइ चमैंए देवतामैंए पूजा लइ बिस्याँ क्हेमैं जालर फेब्मुँ।”

प्रस्थान 7:5

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”

प्रस्थान 8:19

छतमा जादु लब्मैंइ फारोने बिइ, “चु के परमेश्‍वरजीन् लब् ग।” छबिलेना याहवेहजी बिब् धोंलेन् फारोए सैं सारो तसि चमैंए ताँ आथे।

हितोपदेश 29:6

दुष्‍ट म्हि ह्रोंसए पापइ लमा ह्रोंसन् ङोर फेम्, दिलेया ठिक के लबै म्हि बिस्याँ, सैं तोंदै क्वे प्रिंम्।

१ कोरिन्थी 7:35

क्‍हेमैंइ ब्ह्‍या आलरिगे बिसि ङइ चु ताँ बिब आङिं। क्हेमैं सैं घ्रिन् तसि प्रभुए के छेनाले लसि छ्ह थोल् खाँरिगे धै क्हेमैंलाइन छ्याँब तरिगे बिसि ङइ चु ताँ बिब् ग।