प्रस्थान 10:3 - परमेश्‍वरए ताँ तमु क्युइर

³ छतसि मोशा नेरो हारून फारो ङाँर ह्‍यासि चने बिइ, “हिब्रूमैंए याहवेह परमेश्‍वरजी क्हिने ‘खोंयों समा क्हि च्योंने तसि ङइ बिब् आङिं?’ बिइ। ‘ङए सेवा लरिगे बिसि ङए म्हिमैं ह्‍याल् पिंन्।

प्रस्थान 10:3 ပူးပေါင်းရင်းမြစ်များ

प्रस्थान 10:4

क्हिइ ङए म्हिमैं ह्‍याल् आपिंस्याँ प्हन्हाँग ङइ क्हिए ह्‍युलर तिरिमैं पखब्मुँ।

प्रस्थान 16:28

झाइले याहवेहजी मोशाने बिइ, “क्हेमैंइ खोंयों समा ङइ बिबै ताँमैं आङिं?

प्रस्थान 4:23

चइ ङए सेवा लबर ङए च्ह ह्‍याल् पिंन् बिसि ङइ क्हिने बिइ, दिलेया क्हिइ चलाइ ह्‍याल् आपिं। छतसि ङइ क्हिए च्ह थेब सैवाब्मुँ।’”

प्रस्थान 5:1

च लिउँइँ मोशा नेरो हारून फारो म्रुँ ङाँर ह्‍यासि बिइ, “‘क्यु आयोंबै क्ल्ह्‍योर ङए ल्हागिर चाड म्हाँदिबर ङए म्हिमैं ह्‍याल् पिंन्,’ बिसि इस्राएलीमैंए याहवेह परमेश्‍वरजी बिइमुँ।”

प्रस्थान 9:17

अझै या क्हि थेब् प्हैंसि ङए म्हिमैं ह्‍याल् आपिंब्मुँ।

हितोपदेश 1:22

“ओ आमादुमैं, क्हेमैं खोंयों समा ज्ञान बुद्धिलाइ तो धोंइ आङ्हाँन्ले प्ररिमुँ? खोंयों समा आउलाइ प्ह्रबै ताँमैं लसि सैं तोंरिमुँ, ओ आमादुमैं, तले जा, क्हेमैंइ ज्ञान बुद्धिलाइ तो धोंइ आङ्हाँब?

हितोपदेश 1:24

दिलेया ङइ हुइमा क्हेमैंइ थेल् आङिं, ङ ङाँर खो बिसि ङइ यो स्योंम क्हेमैं खाबै या आख।

हितोपदेश 18:12

तोन् तोर्न थेब् प्हैंबै म्हि नास तयाब्मुँ, कुरबै म्हिइ मान योंब्मुँ।

रोमी 2:4

परमेश्‍वरजी क्हिए फिर ल्हयो खम्, छतसि युनन् सजैं आपिं, बरु ल्हें समा क्हिलाइ सैदिसि म्हाँया लम्। दिलेया क्‍हिइ खीलाइ अझै म्‍हि आल! क्‍हिए सैं खी ङाँइ एरिगे बिसि परमेश्‍वरजी क्हिए फिर ल्हयो लम् बिब क्‍हिइ आसे वा?

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?

याकूब 4:10

ह्रोंसलाइ प्रभुए उँइँर च्‍योंब लद्, धै खीजी क्‍हेमैं थेब लमिंब्‍मुँ।

१ पत्रुस 5:6

छतसि ह्रोंसन् च्‍योंने तसि थेबै शक्‍ति मुँबै परमेश्‍वरए यो न्होंर टिद्, धै खीजी ठिक त्हेर क्‍हेमैंलाइ थेब् लमिंब्‍मुँ।