प्रस्थान 10:27 - परमेश्‍वरए ताँ तमु क्युइर

²⁷ दिलेया याहवेहजी फारोए सैं सारो लमिंमा फारोइ चमैं ह्‍याल् आपिं।

प्रस्थान 10:27 ပူးပေါင်းရင်းမြစ်များ

प्रस्थान 10:1

याहवेहजी धबै मोशाने “फारो ङाँर ह्‍याद्,” बिइ। “तलेबिस्याँ चमैंए म्हाँजोर ङए चु औदिबै चिनुमैं उँइँरिगे बिसि ङइ च नेरो चए के लब्मैंए सैं सारो लमिंब् ग।

प्रस्थान 10:20

दिलेया याहवेहजी फारोए सैं सारो लमिंमा चइ इस्राएलीमैं ह्‍याल् आपिं।

प्रस्थान 11:10

मोशा नेरो हारूनइ औदिबै केमैं ताँन् फारोए उँइँर लइ। दिलेया याहवेहजी फारोए सैं सारो लमिंसि चइ इस्राएलीमैं ह्रोंसए ह्‍युलउँइँले ह्‍याल् आपिं।

प्रस्थान 14:4

ङइ फारोए सैं सारो लमिंब्मुँ धै चइ इस्राएलीमैं ल्हाब्मुँ। दिलेया फारो नेरो चए ताँन् सिपाइमैंउँइँले ङए मिं थेब् तल् योंब्मुँ। छतमा मिश्रीमैंइ ‘ङन् याहवेह ग।’ बिसि सेब्मुँ।” याहवेहजी छले बिमा इस्राएलीमैंइ छान् लइ।

प्रस्थान 14:8

इस्राएलीमैं सैं भोंन्ले घ्याँर प्ररिल, दिलेया याहवेहजी मिश्रर्बै फारो म्रुँए सैं सारो लमिंमा चइ चमैंए लिलि ह्‍याइ।

प्रस्थान 4:21

याहवेहजी धबै मोशाने बिइ, “क्हि मिश्रर एह्‍यामा ङइ क्हिए योर थेंमिबै भोंउँइँले औदिबै केमैं फारो म्रुँए उँइँर लद्। दिलेया ङइ चए सैं सारो लब्मुँ। छतसि चइ ङए म्हिमैंलाइ ह्‍याल् पिंरिब् आरे।

रोमी 9:18

छले परमेश्‍वरजी खीजी ल्हयो खदा ङ्हाँब्‍मैंए फिर ल्हयो खम्, धै सैं सारो लमिंदा ङ्हाँब्‍मैंलाइ खीजी सैं सारो लम्।

दर्शन 9:20

छाबै दुःखउँइँले सोसेया चैबै म्‍हिमैंइ खेंमैंइ लबै पापउँइँले सैं आए। झन चमैंइ मोंए पूजा लब, धै मारा, चाँदि, पित्तल, युँमा, सिं, छाबै सैउँइँले बनेबै म्रोंल् आखाँब, थेल् आखाँब, प्रल् आखाँबै कुमैं पूजा लब आपि।