एस्तर 9:4 - परमेश्‍वरए ताँ तमु क्युइर

⁴ म्रुँए दरबारर के लब्मैं न्होंर्बै क्रथे मोर्दकै थेब तइमुँ, धै चइ थेब-थेबै के लबै हग योंइमुँ बिबै ताँ ताँन् क्ल्ह्‍योजरे थेनेइ।

एस्तर 9:4 ပူးပေါင်းရင်းမြစ်များ

एस्तर 10:2

म्रुँ अहासूरसए शक्ति, चए छ्याँबै केमैं, नेरो मोर्दकैलाइ थेबै मान पिंसि चए बयन्, चु ताँन् ताँमैं मादी नेरो फारस ह्‍युलर्बै म्रुँमैंए इतिहासए कितबर प्ह्रिइमुँ

भजनमैं 1:3

च स्योंए रेर रुँइँबै सिंधुँ धोंन् तम्। चइ रो रोल् त्हुबै त्हेर रो पिंम्, धै चए प्हो खोंयोंइ आङ्योंलों। चइ तो के ललेया छ्याँब तम्।

भजनमैं 18:43

ङए बिरोधीमैंए योउँइँले क्हिजी ङ जोगेमिंइमुँ, क्हिजी ङ अरू ह्रेंमैंए चिब लमिंइमुँ, ङो आसेबै म्हिमैं या ङए न्होंर मुँ।

भजनमैं 92:13

याहवेहजी च म्हिमैंलाइ ह्रोंसए धिंर रुँइँइमुँ; चमैं ङ्योए परमेश्‍वरए मन्दिरर मौलिदिब्मुँ।

प्रस्थान 11:3

झाइले याहवेहजी मिश्रीमैंइ च इस्राएलीमैंलाइ मान लबै सैं पिंइ। धै मिश्र ह्‍युलर्बै फारोए के लब्मैं नेरो समाजर्बै म्हिमैंइ मोशा बेल्‍ले थेबै म्हि मुँन बिसि मैंइ।

हितोपदेश 4:18

दिलेया ठिक के लप्रबै म्हि प्रबै घ्याँ चारबै ह्‍वे धोंन् तम्, च ह्‍वे त्हिंयाँ आधा समा बेल्‍ले चारदै ह्‍याम्।

मत्ती 4:24

छले सिरिया ह्‍युल तिगोंन् येशूजी लबै औदिबै केमैंए बयन थेनेइ। छतमा म्‍हिमैंइ ननाओलिबै नब्‍मैं, मोंइ स्‍याब्‍मैं, र बेथाइ स्याब्‍मैं, स्याले बेथाइ स्याब्‍मैं ताँन् म्हिमैंइ खी ङाँर पखइ, धै खीजी चमैं ताँन् सल् लमिंमल।