एस्तर 9:29 - परमेश्‍वरए ताँ तमु क्युइर

²⁹ चु ताँ धबै अबीहेलए च्हमि म्रुँस्यो एस्तर नेरो यहूदी मोर्दकैइ “चु पूरिम बिबै चाड खैले बिलै म्हाँदिल् त्हुम्। चु ङ्योए ल्हागिर थेबै त्हिंइ ग,” बिसि थेबै अधिकारले अर्को प्ह्रिछ्या प्ह्रिइ।

एस्तर 9:29 ပူးပေါင်းရင်းမြစ်များ

एस्तर 2:15

च त्हेर्न मोर्दकैए प्हाज्यों अबीहेलए च्हमि एस्तर म्रुँ ङाँर ह्‍याबै पलो खइ। (मोर्दकैइ एस्तरलाइ ह्रोंसए च्हमि धोंलेन् न्हल।) झाइले च छमिंमैं रुँबर थेंबै हिचड हेगेइ तो-तो बोद् बिल च मत्त्रे एस्तरइ बोइ, अरू तोइ आबो। एस्तरलाइ म्रोंब्मैं ताँनइ चलाइ छ्याँब ङ्हाँइ।

एस्तर 3:15

म्रुँइ ल्हैदिब् धोंले च प्ह्रिछ्या बोब्मैं युनन् क्ल्ह्‍यो क्ल्ह्‍योर ह्‍याइ। चु ताँमैं राजधानी शूशनर्बै म्हिमैंने या बिइ। चु ताँ थेसि शूशनर्बै म्हिमैं खैलबैल तइ, दिलेया म्रुँ नेरो हामान बिस्याँ प्हा थुँबर टिइ।

एस्तर 8:10

च प्ह्रिछ्या मोर्दकैइ म्रुँ अहासूरसए मिंर प्ह्रिसि म्रुँए च्याए छाप ल्हैदिइ। धै प्ह्रिछ्या बोबै ल्हागिर बेल्‍ले न्हेल् खाँबै घोडामैंर म्हिमैं क्रेमिंसि क्ल्ह्‍यो-क्ल्ह्‍योर कुलइ।

एस्तर 9:20

मोर्दकैइ चु ताँन् ताँमैं प्ह्रिबर ल्हैदिइ। झाइले म्रुँ अहासूरसए ह्‍युलर मुँबै ताँन् क्ल्ह्‍यो जरेबै यहूदीमैंलाइ प्ह्रिछ्यामैं पिमिंइ।

एस्तर 9:21

च प्ह्रिछ्यार “तारे सेरे बर्ष ह्रोंसे चु अदार म्हैनए च्युसे प्लि नेरो च्युसे ङ्‍ह त्हिंइलाइ बेल्‍ले छेन्ले म्हाँदिद्।

एस्तर 9:28

“यहूदीमैंए ल्हागिर च त्हिंइमैंर तो-तो तल बिबै ताँ क्हेमैंइ खोयोंन् बिलै आम्‍लेरिगे बिसि ताँन् क्ल्हयोर्बै यहूदीमैंइ चु चाड म्हाँदिल् त्हुम्।”