एस्तर 9:21 - परमेश्‍वरए ताँ तमु क्युइर

²¹ च प्ह्रिछ्यार “तारे सेरे बर्ष ह्रोंसे चु अदार म्हैनए च्युसे प्लि नेरो च्युसे ङ्‍ह त्हिंइलाइ बेल्‍ले छेन्ले म्हाँदिद्।

एस्तर 9:21 ပူးပေါင်းရင်းမြစ်များ

एस्तर 3:7

छतसि म्रुँ अहासूरसइ ग्याल्स लबै च्युसे ङ्हिं बर्षर्बै नीसान (बैसाख) बिबै ओंसोंबै म्हैनरि “यहूदीमैंलाइ खाब म्हैनर्बै खाब त्हिंइर सैब?” बिसि त्हिंइ तोक्दिबर हामानए उँइँर म्हिमैंइ म्हैन ह्रोंसे चिट्ठा झोंमल। (च चिट्ठालाइ “पूर” बिमल।) चिट्ठा लिउँइँबै अदार (चैत्र) बिबै च्युसे ङ्हिं म्हैंनर्बै च्युसे सों त्हिंइर तइ।

एस्तर 9:17

छले अदार म्हैनर्बै च्युसे सोंगैंर चमैंइ खेंमैंए शत्तुरमैं सैवाइ, धै च्युसे प्लिगैंर भों न्हसि सैं तोंदै लिं-लिंबै चबै सैमैं चइ।

एस्तर 9:18

दिलेया शूशनर्बै यहूदीमैं बिस्याँ अदार म्हैनर्बै च्युसे सों नेरो च्युसे प्लि, चु ङ्हिरोन् खेंमैंए शत्तुरमैंने नेइ। छतसि च्युसे ङ्‍‍हगैंर लिं-लिंबै चबै सैमैं चसि सैं तोंदै चमैं भों न्हइ। छले चमैंइ चु त्हिंइलाइ चाड म्हाँदिइ।

एस्तर 9:20

मोर्दकैइ चु ताँन् ताँमैं प्ह्रिबर ल्हैदिइ। झाइले म्रुँ अहासूरसए ह्‍युलर मुँबै ताँन् क्ल्ह्‍यो जरेबै यहूदीमैंलाइ प्ह्रिछ्यामैं पिमिंइ।

एस्तर 9:22

च त्हिंइ ङ्योइ शत्तुरमैंलाइ ट्होबै त्हिंइ ग। च त्हिंइ ङ्यो न्हुँ नेरो दु:खउँइँले फ्रेसि छिं ङ्हाँबै त्हिंइ ग। छतसि सैं तोंदै म्हाँदिद्। च त्हिंइर घ्रिइ घ्रिलाइ चबै सैमैं पिमिंन्, धै आयो-आख्युब्मैंलाइ चल् पिंन्,” बिसि प्ह्रिल।

एस्तर 9:27

छतसि यहूदीमैंइ “बर्ष ह्रोंसे ङ्हिरो खेंमैं, खेंमैंए प्हसेमैं नेरो यहूदी तखब्मैं ताँनइ चाड म्हाँदिल् त्हुम्,” बिसि ठिम बनेइ।

एस्तर 9:29

चु ताँ धबै अबीहेलए च्हमि म्रुँस्यो एस्तर नेरो यहूदी मोर्दकैइ “चु पूरिम बिबै चाड खैले बिलै म्हाँदिल् त्हुम्। चु ङ्योए ल्हागिर थेबै त्हिंइ ग,” बिसि थेबै अधिकारले अर्को प्ह्रिछ्या प्ह्रिइ।