एस्तर 9:2 - परमेश्‍वरए ताँ तमु क्युइर

² च त्हिंइर म्रुँ अहासूरसए ग्याल्सर मुँबै क्ल्ह्‍यो-क्ल्ह्‍योर्बै ताँन् यहूदीमैं ह्रों-ह्रोंसए क्ल्ह्‍योर खेंमैंने नेबर खब्मैंलाइ सैब् बिसि खागु तल। छतसि म्हिमैं ङ्हिंसि चमैंने नेखल् आखाँ।

एस्तर 9:2 ပူးပေါင်းရင်းမြစ်များ

उत्पत्ति 35:5

छाइले चमैं ह्‍यामा च खागुबै ह्‍युलर्बै म्हिमैंइ “चुमैं परमेश्‍वरए म्हिमैं ग,” बिब् सेसि ङ्हिंइ, छतमा खाबज्यै चमैंलाइ आल्ह।

एस्तर 8:11

“क्ल्ह्‍यो-क्ल्ह्‍योर्बै यहूदीमैं ताँन् क्ह्रिसि ह्रोंसए ह्रेंमैंलाइ जोगेल् त्हुम्। धै क्हेमैं नेरो क्हेमैंए म्रिं-प्हसेमैंने नेखबै ह्रेंमैं खाबन् मुँलेया, आर्मि पुलिसमैं मुँलेया, क्हेमैंज्यै या चमैं सैवासि चमैंए मि-क्ह्रन् म्हवाल् खाँम्, धै चमैंए धिं-नाँमैं या क्हेमैंइ किंल् खाँम्।

एस्तर 8:17

छतमा म्रुँए ग्याल्सर्बै ताँन् क्ल्ह्‍योजरे मुँबै यहूदीमैं सैं तोंदै लिं-लिंबै चबै सैमैं चबै त्हिंइ तइ। च्हमा अरू ह्रेंर्बै ल्हें ह्रेंमैं या यहूदी ह्रें तखइ, तलेबिस्याँ चमैं यहूदीमैंने ङ्हिंइ।

एस्तर 9:10

दिलेया यहूदीमैंइ चमैंए सैमैं तोंइ आकिं। चुमैं यहूदीमैंए शत्तुर हामानए च्ह च्यु हम्मदाताए क्वेंमैं मुँल।

भजनमैं 71:13

ङ छ्याब् ल्हैदिब्मैं फा पिसि मेब्रो तयारिगे; ङए न्होह्रों लल् म्हैब्मैं फापिन् तसि लि उँइँल् आखाँरिगे।

भजनमैं 71:24

ङए न्होह्रों लल् म्हैब्मैं फापिसि खैला तोला तबर फेइमुँ, छतसि ङए लेइ त्हिंइतिमिंन् क्हिजी लबै ठिक केमैंए बयन लब्मुँ।

प्रस्थान 23:27

“क्हिए बिरोध लब्मैंलाइ ङए मान लबर ल्हैदिब्मुँ। क्हेमैं खाब् ह्रेंमैं ङाँर नेबर ह्‍यामुँ चमैं ताँनलाइ खेंमैंए न्होंर्न ङइ आक्ह्रिन् लवाब्मुँ, धै क्हेमैं ङाँइँले क्हेमैंए शत्तुरमैं ल्हाब्मुँ।