एस्तर 9:18 - परमेश्‍वरए ताँ तमु क्युइर

¹⁸ दिलेया शूशनर्बै यहूदीमैं बिस्याँ अदार म्हैनर्बै च्युसे सों नेरो च्युसे प्लि, चु ङ्हिरोन् खेंमैंए शत्तुरमैंने नेइ। छतसि च्युसे ङ्‍‍हगैंर लिं-लिंबै चबै सैमैं चसि सैं तोंदै चमैं भों न्हइ। छले चमैंइ चु त्हिंइलाइ चाड म्हाँदिइ।

एस्तर 9:18 ပူးပေါင်းရင်းမြစ်များ

एस्तर 8:11

“क्ल्ह्‍यो-क्ल्ह्‍योर्बै यहूदीमैं ताँन् क्ह्रिसि ह्रोंसए ह्रेंमैंलाइ जोगेल् त्हुम्। धै क्हेमैं नेरो क्हेमैंए म्रिं-प्हसेमैंने नेखबै ह्रेंमैं खाबन् मुँलेया, आर्मि पुलिसमैं मुँलेया, क्हेमैंज्यै या चमैं सैवासि चमैंए मि-क्ह्रन् म्हवाल् खाँम्, धै चमैंए धिं-नाँमैं या क्हेमैंइ किंल् खाँम्।

एस्तर 9:1

म्रुँइ ओंसोंन् बिब् धोंले अदार (फागुन) बिबै च्युसे ङ्हिं म्हैनर्बै च्युसे सोंगैंर प्ह्रिछ्यार प्ह्रिब् धोंलेन् लबै त्हे तखइ। च त्हिंइर यहूदीमैंए शत्तुरमैंइ यहूदीमैं खेंमैंए न्होंर थेंल् योंबै आशा लल, दिलेया उल्टोन् चमैं यहूदीमैंए न्होंर टिल् त्हुबै त्हिंइ तइ।

एस्तर 9:11

च त्हिंइर्न शूशनर्बै राजधानीर मुँयुँमैं कति सैवाइमुँ बिबै ताँ म्हिमैंइ म्रुँने बिइ।

एस्तर 9:13

एस्तरइ बिइ, “क्हिए सैं मुँस्याँ तिंयाँ खै लल प्हन्हागै या यहूदीमैंइ शूशनर छान् लल् योंरिगे, धै हामानए च्ह च्युए सिनु त्होर च्योवारिगे।”

एस्तर 9:15

धबै अदार म्हैनर्बै च्युसे प्लिगैंरै या शूशनर्बै यहूदीमैं ताँन् खागु तसि चर्बै मुँयुँमैं सोंप्र सैवाइ। दिलेया चमैंने मुँबै सैमैं तोंइ आकिं।

एस्तर 9:2

च त्हिंइर म्रुँ अहासूरसए ग्याल्सर मुँबै क्ल्ह्‍यो-क्ल्ह्‍योर्बै ताँन् यहूदीमैं ह्रों-ह्रोंसए क्ल्ह्‍योर खेंमैंने नेबर खब्मैंलाइ सैब् बिसि खागु तल। छतसि म्हिमैं ङ्हिंसि चमैंने नेखल् आखाँ।

एस्तर 9:21

च प्ह्रिछ्यार “तारे सेरे बर्ष ह्रोंसे चु अदार म्हैनए च्युसे प्लि नेरो च्युसे ङ्‍ह त्हिंइलाइ बेल्‍ले छेन्ले म्हाँदिद्।