एस्तर 9:15 - परमेश्‍वरए ताँ तमु क्युइर

¹⁵ धबै अदार म्हैनर्बै च्युसे प्लिगैंरै या शूशनर्बै यहूदीमैं ताँन् खागु तसि चर्बै मुँयुँमैं सोंप्र सैवाइ। दिलेया चमैंने मुँबै सैमैं तोंइ आकिं।

एस्तर 9:15 ပူးပေါင်းရင်းမြစ်များ

एस्तर 8:11

“क्ल्ह्‍यो-क्ल्ह्‍योर्बै यहूदीमैं ताँन् क्ह्रिसि ह्रोंसए ह्रेंमैंलाइ जोगेल् त्हुम्। धै क्हेमैं नेरो क्हेमैंए म्रिं-प्हसेमैंने नेखबै ह्रेंमैं खाबन् मुँलेया, आर्मि पुलिसमैं मुँलेया, क्हेमैंज्यै या चमैं सैवासि चमैंए मि-क्ह्रन् म्हवाल् खाँम्, धै चमैंए धिं-नाँमैं या क्हेमैंइ किंल् खाँम्।

एस्तर 9:10

दिलेया यहूदीमैंइ चमैंए सैमैं तोंइ आकिं। चुमैं यहूदीमैंए शत्तुर हामानए च्ह च्यु हम्मदाताए क्वेंमैं मुँल।

एस्तर 9:12

चु ताँ थेसि “यहूदीमैंइ शूशनर्बै राजधानीर मुँयुँमैं ङ्‍हप्र नेरो हामानए च्ह च्यु सैवान!” बिसि म्रुँइ म्रुँस्यो एस्तरने बिइ। “चुरमि छ लइ बिस्याँ अरू क्ल्ह्‍योरम् झन खै लगे? तारे क्हिए सैंर तोइ ताँ मुँस्याँ बिद्। तो ह्रिलेया ङइ पिंस्यो।”

एस्तर 9:13

एस्तरइ बिइ, “क्हिए सैं मुँस्याँ तिंयाँ खै लल प्हन्हागै या यहूदीमैंइ शूशनर छान् लल् योंरिगे, धै हामानए च्ह च्युए सिनु त्होर च्योवारिगे।”

एस्तर 9:14

छबिमा म्रुँइ म्हिमैंने छान् लबर ल्हैदिइ, धै म्हिमैंइ हामानए च्ह च्युए सिनु त्होर च्योवाइ।

एस्तर 9:16

छलेन म्रुँए ग्याल्सर्बै अरू क्ल्ह्‍योजरेबै यहूदीमैं या ह्रों-ह्रोंसए क्ल्ह्‍योर खागु तसि ह्रोंसए म्हिमैं जोगेबर शत्तुरमैंने नेइ। छले नेमा चमैंइ ङिच्युसे हजार ङ्‍ह म्हिमैं सैवाइ, दिलेया चमैंने मुँबै सैमैं तोइ आकिं।

एस्तर 9:2

च त्हिंइर म्रुँ अहासूरसए ग्याल्सर मुँबै क्ल्ह्‍यो-क्ल्ह्‍योर्बै ताँन् यहूदीमैं ह्रों-ह्रोंसए क्ल्ह्‍योर खेंमैंने नेबर खब्मैंलाइ सैब् बिसि खागु तल। छतसि म्हिमैं ङ्हिंसि चमैंने नेखल् आखाँ।

१ थेसलोनिकी 5:22

ताँन् आछ्याँबै केमैंउँइँले स्यो तद्।

हिब्रू 13:5

क्‍हेमैंइ ल्हें मारा-मुइए लोब आलद्। क्हेमैंने मुँबै सैर्न सन्‍तोक तइ टिद्। तलेबिस्याँ परमेश्‍वरजी बिइमुँ, “ङइ क्‍हेमैं खोंयोंइ वाथेंरिब् आरे, ङइ क्हेमैं पिरिब् आरे।”