एस्तर 9:14 - परमेश्‍वरए ताँ तमु क्युइर

¹⁴ छबिमा म्रुँइ म्हिमैंने छान् लबर ल्हैदिइ, धै म्हिमैंइ हामानए च्ह च्युए सिनु त्होर च्योवाइ।

एस्तर 9:14 ပူးပေါင်းရင်းမြစ်များ

एस्तर 7:10

म्रुँइ छबिमा मोर्दकैलाइ च्योब् बिसि क्योबै त्होर चमैंइ हामानलाइन च्योवाइ। च लिउँइँ बल्‍ल म्रुँए ह्रिस म्हइ।

एस्तर 7:9

झाइले म्रुँए ओंसों खोंयोंइ रारिबै हिचडामैं न्होंर्बै हर्बोनाइ बिइ, “ङ्ह्‍योद्, क्हिलाइ जोगेबै मोर्दकैलाइ च्योवाब् बिसि चुइ ह्रोंसए धिंर ङ्हिस्युसे ङ्‍ह मिटर नुबै त्हो क्योइमुँ।” झाइले म्रुँइ बिइ, “छ बिस्याँ च त्होर चलाइन च्योवाद्।”

एस्तर 9:13

एस्तरइ बिइ, “क्हिए सैं मुँस्याँ तिंयाँ खै लल प्हन्हागै या यहूदीमैंइ शूशनर छान् लल् योंरिगे, धै हामानए च्ह च्युए सिनु त्होर च्योवारिगे।”

एस्तर 9:15

धबै अदार म्हैनर्बै च्युसे प्लिगैंरै या शूशनर्बै यहूदीमैं ताँन् खागु तसि चर्बै मुँयुँमैं सोंप्र सैवाइ। दिलेया चमैंने मुँबै सैमैं तोंइ आकिं।

हितोपदेश 12:7

दुष्‍ट म्हिमैं भ्योंवाब्मुँ, चमैं चैरिब् आरे; ठिक के लबै म्हिमैंए धिं बिस्याँ खोंयोंन् बिलै तरिब्मुँ।

गलाती 3:13

ङ्योइ योंल् त्हुबै सराप खीजी नोइ, ठिमर्बै सरापउँइँले सै फोसि ङ्योलाइ खामिंइमुँ। तलेबिस्याँ “सिं धुँर च्‍योसि सिब्मैं, परमेश्‍वरउँइँले सराप योंब्मैं ग,” बिसि परमेश्‍वरए छ्वेर प्‍ह्रिइमुँ।