एस्तर 9:13 - परमेश्‍वरए ताँ तमु क्युइर

¹³ एस्तरइ बिइ, “क्हिए सैं मुँस्याँ तिंयाँ खै लल प्हन्हागै या यहूदीमैंइ शूशनर छान् लल् योंरिगे, धै हामानए च्ह च्युए सिनु त्होर च्योवारिगे।”

एस्तर 9:13 ပူးပေါင်းရင်းမြစ်များ

एस्तर 8:11

“क्ल्ह्‍यो-क्ल्ह्‍योर्बै यहूदीमैं ताँन् क्ह्रिसि ह्रोंसए ह्रेंमैंलाइ जोगेल् त्हुम्। धै क्हेमैं नेरो क्हेमैंए म्रिं-प्हसेमैंने नेखबै ह्रेंमैं खाबन् मुँलेया, आर्मि पुलिसमैं मुँलेया, क्हेमैंज्यै या चमैं सैवासि चमैंए मि-क्ह्रन् म्हवाल् खाँम्, धै चमैंए धिं-नाँमैं या क्हेमैंइ किंल् खाँम्।

एस्तर 9:14

छबिमा म्रुँइ म्हिमैंने छान् लबर ल्हैदिइ, धै म्हिमैंइ हामानए च्ह च्युए सिनु त्होर च्योवाइ।

एस्तर 9:15

धबै अदार म्हैनर्बै च्युसे प्लिगैंरै या शूशनर्बै यहूदीमैं ताँन् खागु तसि चर्बै मुँयुँमैं सोंप्र सैवाइ। दिलेया चमैंने मुँबै सैमैं तोंइ आकिं।

गलाती 3:13

ङ्योइ योंल् त्हुबै सराप खीजी नोइ, ठिमर्बै सरापउँइँले सै फोसि ङ्योलाइ खामिंइमुँ। तलेबिस्याँ “सिं धुँर च्‍योसि सिब्मैं, परमेश्‍वरउँइँले सराप योंब्मैं ग,” बिसि परमेश्‍वरए छ्वेर प्‍ह्रिइमुँ।