एस्तर 8:8 - परमेश्‍वरए ताँ तमु क्युइर

⁸ दिलेया म्रुँए मिंर प्ह्रिसि चइ च्याए छाप ल्हैदिबै प्ह्रिछ्या खाबज्यै थोल् आखाँ। छतसि तारे क्हेमैंइ क्हेमैंए ल्हागिर खैले छ्याँब तम् ङ्हाँमुँ, छलेन ङए मिंर अर्को प्ह्रिछ्या घ्रि प्ह्रिद्, धै ङए च्याए छाप ल्हैदिद्।”

एस्तर 8:8 ပူးပေါင်းရင်းမြစ်များ

एस्तर 1:19

छतसि तारे बश्ती खोंयोंइ क्हिए ङाँर खल् आयोंरिगे बिब क्हिए सैं मुँस्याँ फरिसीमैं नेरो मादीमैंए कानुनइ थोल् आखाँबै प्ह्रिछ्या घ्रि प्ह्रिबर ल्हैदिद्। धै म्रुँस्यो बश्तीए क्ल्ह्‍योरि च भन्दा छ्याँबै च्हमिरिलाइ म्रुँस्यो लसि थेंन्।

एस्तर 3:12

झाइले ओंसोंबै म्हैंनए च्युसे सों त्हिंइर म्रुँइ बिबै ताँमैं प्ह्रिबर म्हिमैं हुइइ, धै हामानइ बिब् धोंलेन् म्रुँए के लबै चिब्मैं, ताँन् क्ल्ह्‍योर्बै चिबनाँब्मैं नेरो ताँन् क्ल्ह्‍योर्बै ताँन ह्रेंमैंए चिब्मैंलाइ, चमैंए क्युइर्न प्ह्रिछ्या प्ह्रिसि कुलइ। म्रुँ अहासूरसए मिंउँइँलेन् च प्ह्रिछ्या प्ह्रिल, धै च प्ह्रिछ्यार म्रुँए छाप मुँबै च्याए छापै या झोंल।

एस्तर 8:10

च प्ह्रिछ्या मोर्दकैइ म्रुँ अहासूरसए मिंर प्ह्रिसि म्रुँए च्याए छाप ल्हैदिइ। धै प्ह्रिछ्या बोबै ल्हागिर बेल्‍ले न्हेल् खाँबै घोडामैंर म्हिमैं क्रेमिंसि क्ल्ह्‍यो-क्ल्ह्‍योर कुलइ।

एस्तर 8:5

एस्तरइ धबै बिइ, “ङइ बिबै ताँ क्हिइ छ्याँब ङ्हाँस्याँ, ङए फिर ल्हयो मुँस्याँ, धै चु के क्हिइ ठिक ङ्हाँस्याँ, अगागी ह्रेंर्बै हम्मदाताए च्ह हामानइ यहूदीमैंलाइ नास लल् त्हुम् बिसि प्ह्रिबै प्ह्रिछ्यार्बै ताँमैं थोबर अर्को प्ह्रिछ्या प्ह्रिबर ल्हैदिसि क्हिए ग्याल्सर्बै ताँन् क्ल्ह्‍यो-क्ल्ह्‍योर पिमिंन्।

२ तिमोथी 2:19

दिलेया परमेश्‍वरजी बिबै ताँ बिस्याँ थेबै जग धोंले भोंब मुँ। च जगए फिर पबित्र प्ल्हजी छाप ल्हैदिइमुँ, “प्रभुजी खीए म्हिमैं ङो सेमुँ” धै “प्रभए मिं किंब्मैं ताँन् आछ्याँबै केउँइँले ह्रेंगो तल् त्हुम्।”