एस्तर 8:5 - परमेश्‍वरए ताँ तमु क्युइर

⁵ एस्तरइ धबै बिइ, “ङइ बिबै ताँ क्हिइ छ्याँब ङ्हाँस्याँ, ङए फिर ल्हयो मुँस्याँ, धै चु के क्हिइ ठिक ङ्हाँस्याँ, अगागी ह्रेंर्बै हम्मदाताए च्ह हामानइ यहूदीमैंलाइ नास लल् त्हुम् बिसि प्ह्रिबै प्ह्रिछ्यार्बै ताँमैं थोबर अर्को प्ह्रिछ्या प्ह्रिबर ल्हैदिसि क्हिए ग्याल्सर्बै ताँन् क्ल्ह्‍यो-क्ल्ह्‍योर पिमिंन्।

एस्तर 8:5 ပူးပေါင်းရင်းမြစ်များ

एस्तर 2:17

ताँन् अरू च्हमिरिमैं भन्दा म्रुँइ एस्तरलाइ बेल्‍ले खोइ, धै चए सैं ताँन् अरू छमिंमैं भन्दा एस्तर ङाँइ ह्‍याइ, छतसि म्रुँइ एस्तरए क्रर म्रुँस्योइ कुबै मुकुट कुमिंसि चलाइ बश्तीए क्ल्ह्‍योर म्रुँस्यो तल् पिंइ।

एस्तर 2:4

झाइले खाब् छमिंलाइ क्हिइ खोमुँ चलाइन बश्तीए क्ल्ह्‍योर म्रुँस्यो तरिगे।” चु ताँ म्रुँइ बेल्‍ले छ्याँब ङ्हाँइ, धै छान् लइ।

एस्तर 3:1

च लिउँइँ म्रुँ अहासूरसइ अगागी ह्रेंर्बै हम्मदाताए च्ह हामानए मान बढिमिंसि ताँन् भन्दा थेबै चिब लमिंइ।

एस्तर 5:8

ओ म्रुँ, ङए ताँ ङिंम् बिस्याँ, ङइ ह्रिबै सै पिंम् बिस्याँ, प्हन्हाँगै या क्हेमैंए ल्हागिर ङइ ह्‍योथेंबै चबै सैमैं चबर खमिंन्। धै च्हमन् ङए सैंर्बै ताँमैं ङइ क्हिने बिस्यो।”

एस्तर 7:3

छबिमा म्रुँस्यो एस्तरइ बिइ, “ओ म्रुँ, क्हि ङए फिर ल्हयो खम् बिस्याँ, धै ङए यो छ्युँ पिंदा ङ्हाँस्याँ, ङ नेरो ङए ह्रेंमैं जोगेमिंन्।

प्रस्थान 33:13

क्हिए म्हाँया ङए फिर मुँ बिस्याँ, ङइ क्हिलाइ ङो सेल् खाँरिगे धै क्हिए उँइँर छ्याँबै केमैं लसि क्हिलाइ सैं तोंन् लल् खाँरिगे बिसि ङलाइ क्हिए घ्याँ उँइँमिंन्। चु ह्रें (जात) क्हिलन् ग बिसि मैंमिंन्।”

प्रस्थान 33:16

क्हि ङिने बालु आह्‍यास्याँ क्हिए म्हिमैं नेरो ङइ क्हिए म्हाँया योंइमुँ बिसि अरू ह्रेंमैंइ खैले सेब? ङ नेरो क्हिए म्हिमैं पृथ्‍बीर्बै ताँन् म्हिमैंने स्योन् उँइँबर क्हि ङिने बालुन् तल् त्हुम्।”