एस्तर 8:17 - परमेश्‍वरए ताँ तमु क्युइर

¹⁷ छतमा म्रुँए ग्याल्सर्बै ताँन् क्ल्ह्‍योजरे मुँबै यहूदीमैं सैं तोंदै लिं-लिंबै चबै सैमैं चबै त्हिंइ तइ। च्हमा अरू ह्रेंर्बै ल्हें ह्रेंमैं या यहूदी ह्रें तखइ, तलेबिस्याँ चमैं यहूदीमैंने ङ्हिंइ।

एस्तर 8:17 ပူးပေါင်းရင်းမြစ်များ

उत्पत्ति 35:5

छाइले चमैं ह्‍यामा च खागुबै ह्‍युलर्बै म्हिमैंइ “चुमैं परमेश्‍वरए म्हिमैं ग,” बिब् सेसि ङ्हिंइ, छतमा खाबज्यै चमैंलाइ आल्ह।

एस्तर 9:17

छले अदार म्हैनर्बै च्युसे सोंगैंर चमैंइ खेंमैंए शत्तुरमैं सैवाइ, धै च्युसे प्लिगैंर भों न्हसि सैं तोंदै लिं-लिंबै चबै सैमैं चइ।

एस्तर 9:19

दिलेया नाँस जरेबै यहूदीमैंइ बिस्याँ अदार म्हैनर्बै च्युसे प्लिगैंर चाड म्हाँदिम्। च त्हिंइर चमैंइ घ्रिइ घ्रिलाइ चबै सैमैं पिमिंम्।

एस्तर 9:2

च त्हिंइर म्रुँ अहासूरसए ग्याल्सर मुँबै क्ल्ह्‍यो-क्ल्ह्‍योर्बै ताँन् यहूदीमैं ह्रों-ह्रोंसए क्ल्ह्‍योर खेंमैंने नेबर खब्मैंलाइ सैब् बिसि खागु तल। छतसि म्हिमैं ङ्हिंसि चमैंने नेखल् आखाँ।

एस्तर 9:22

च त्हिंइ ङ्योइ शत्तुरमैंलाइ ट्होबै त्हिंइ ग। च त्हिंइ ङ्यो न्हुँ नेरो दु:खउँइँले फ्रेसि छिं ङ्हाँबै त्हिंइ ग। छतसि सैं तोंदै म्हाँदिद्। च त्हिंइर घ्रिइ घ्रिलाइ चबै सैमैं पिमिंन्, धै आयो-आख्युब्मैंलाइ चल् पिंन्,” बिसि प्ह्रिल।

एस्तर 9:27

छतसि यहूदीमैंइ “बर्ष ह्रोंसे ङ्हिरो खेंमैं, खेंमैंए प्हसेमैं नेरो यहूदी तखब्मैं ताँनइ चाड म्हाँदिल् त्हुम्,” बिसि ठिम बनेइ।

एस्तर 9:3

च क्ल्ह्‍योर्बै ताँन् चिब्मैं, क्रथे मिंथेमैं, म्रुँए के लब्मैं नेरो म्रुँए सेवा लब्मैंइ यहूदीमैंलाइ ल्होइ, तलेबिस्याँ चमैं मोर्दकैने ङ्हिंइ।

भजनमैं 105:38

चमैं त्होंसि ह्‍यामा मिश्र ह्‍युल सैं तोंइ, तलेबिस्याँ इस्राएलीमैंने चमैं ङ्हिंमल।

भजनमैं 18:43

ङए बिरोधीमैंए योउँइँले क्हिजी ङ जोगेमिंइमुँ, क्हिजी ङ अरू ह्रेंमैंए चिब लमिंइमुँ, ङो आसेबै म्हिमैं या ङए न्होंर मुँ।

प्रस्थान 15:16

ओ याहवेह, क्हिए म्हिमैं क्योंजा अतर्दिन् समा क्हिजी मिश्रउँइँले फ्रेसि पखबै म्हिमैं क्योंजा आह्‍यान् समा, च ह्रेंमैं ङ्हिंसि त्हारमा क्हिए योर्बै भोंजी चमैं युँमा धोंले क्ल्ह्‍यो घ्रिर्न टिम्।