एस्तर 8:15 - परमेश्‍वरए ताँ तमु क्युइर

¹⁵ च लिउँइँ म्रुँमैंइ खिबै तार्ग्या नेरो मु रङर्बै क्वें खिसि मोर्दकै कलाँजी रङर्बै सुतिए पछ्यौर पोइ, धै माराइ बनेबै मुकुट कुसि मोर्दकै म्रुँए दरबाराउँइँले त्होंइ। छले शूशन सहरर मुँबै ताँन् म्हिमैं बेल्‍ले सैं तोंदै उफर्दिइ,

एस्तर 8:15 ပူးပေါင်းရင်းမြစ်များ

उत्पत्ति 41:42

छबिसि फारो म्रुँइ छाप मुँबै ह्रोंसए च्या योउँइँले प्लिसि योसेफए योर खिमिंइ। धै छ्याँबै मलमलाए क्वेंइ पैरेमिंसि चए खरिर माराए सिग्रि खिमिंइ।

एस्तर 1:6

च बगैंचर सुतिए तार्ग्या, पिङ्ग्या पर्दामैं च्योंल। च पर्दा तार्ग्या नेरो कलाँजी रङर्बै छोइ सिङ्गमरमर बिबै तार्ग्या युमाए त्होर मुँबै चाँदिए रिंङमैंर फैल, धै चर छ्याँ-छ्याँबै बुट्‍टा झोंबै ओल्ग्या, तार्ग्या सिङ्गमरमर नेरो सै ल्हें फेबै छ्याँ-छ्याँबै युमामैं ह्‍युर तिल। छलेन म्हि क्हुँबै ल्हागिर चए फिर मारा नेरो चाँदिए सोफामैं थेंल।

एस्तर 10:2

म्रुँ अहासूरसए शक्ति, चए छ्याँबै केमैं, नेरो मोर्दकैलाइ थेबै मान पिंसि चए बयन्, चु ताँन् ताँमैं मादी नेरो फारस ह्‍युलर्बै म्रुँमैंए इतिहासए कितबर प्ह्रिइमुँ

एस्तर 3:15

म्रुँइ ल्हैदिब् धोंले च प्ह्रिछ्या बोब्मैं युनन् क्ल्ह्‍यो क्ल्ह्‍योर ह्‍याइ। चु ताँमैं राजधानी शूशनर्बै म्हिमैंने या बिइ। चु ताँ थेसि शूशनर्बै म्हिमैं खैलबैल तइ, दिलेया म्रुँ नेरो हामान बिस्याँ प्हा थुँबर टिइ।

एस्तर 5:1

बर्त टिसि सोंरोर एस्तरइ म्रुँस्योइ खिल् त्हुबै क्वें खिइ, धै म्रुँए दरबारए न्होंर्बै ह्‍युर ह्‍यासि रारिइ। च त्हेर म्रुँ ह्रोंसए गद्दिर क्हुँसि मुल म्राउँइँ ह्‍वेंरिल।

एस्तर 5:11

चमैं खबै लिउँइँ हामानइ ह्रोंसए सै न्होरमैं कति मुँ बिबै ताँ, च्ह-च्हमि कति मुँ बिबै ताँ नेरो के लब्मैंए न्होंर म्रुँइ चलाइ खैले ताँन् भन्दा थेबै पदर थेंमिंइ बिबै ताँ चमैंने बिइ।

एस्तर 6:11

म्रुँइ बिब् धोंलेन् हामानइ च क्वें पखसि मोर्दकै घोडा फिर क्रेमिंइ, धै सहरर्बै घ्याँजरे स्युरदै बोसि ओंसों-ओसों हामान छ बिदै ओरइ, “म्रुँइ मान-इजेत पिंबै म्हिलाइ खैबै इनाम पिंइमुँ ङ्ह्‍योद्!” बिसि बिइ।

एस्तर 6:8

चए ल्हागिर म्रुँइ ह्रोंसइ खिबै क्वें, म्रुँइ क्रेबै घोडा नेरो म्रुँए क्रर कुबै मुकुट पखरिगे।

एस्तर 8:14

छतसि म्रुँइ बिब् धोंलेन् म्रुँए छ्याँबै घोडामैंर क्रेसि म्हिमैं प्ह्रिछ्या बोसि क्ल्ह‍यो-क्ल्ह्‍योर ह्‍याइ। धै म्रुँए टिबै क्ल्ह्‍यो शूशनर्बै म्हिमैंने या चु ताँ बिइ।

हितोपदेश 11:10

ठिक के लब्मैंल बिब्धों-मैंब्धों तमा सहरर्बै म्हिमैं आनन्द तम्, छलेन दुष्‍ट म्हिमैं नास तमा म्हिमैं सैं तोंम्।

हितोपदेश 28:12

ठिक के लब्मैंइ ट्होमा ताँन् सैं तोंब्मुँ, दुष्‍टमैंइ ट्होमा म्हिमैं लोबर होंम्।

हितोपदेश 29:2

ठिक के लब्मैं बडिमा म्हिमैं सैं तोंम्, दिलेया दुष्‍ट म्हिमैंइ ग्याल्स लमा म्हिमैंइ दुःख योंम्।

मत्ती 11:8

आङिं बिस्‍याँ, तो ङ्‌ह्‍योबर ह्‍याल? छ्याँबै क्‍वें खिबै म्‍हि ङ्‌ह्‍योबर ह्‍याल् वा? छ्याँबै क्‍वें खिबै म्‍हिम् म्रुँमैंए दरबारर टिम्।

मत्ती 6:29

दिलेया ङ क्हेमैंने बिमुँ, स्‍योंम्‍बै सोलोमन म्रुँ बेल्‍ले प्‍ल्‍होसि छ्याँब् छ्याँबै क्‍वें खिनाबिलेया चु टमैं प्‍हारब् धोंले छ्याँब आरेल।

लूका 16:19

येशूजी धबै बिइ, “छाबै प्लबै म्‍हि घ्रि मुँल। चइ सै ल्हें फेबै छ्याँबै क्‍वेंमैं खिमल। त्हिंइ ह्रोंसे लिं-लिंबै चबै सैमैं चसि मजाले त्हिंइ थोमल।