एस्तर 8:14 - परमेश्‍वरए ताँ तमु क्युइर

¹⁴ छतसि म्रुँइ बिब् धोंलेन् म्रुँए छ्याँबै घोडामैंर क्रेसि म्हिमैं प्ह्रिछ्या बोसि क्ल्ह‍यो-क्ल्ह्‍योर ह्‍याइ। धै म्रुँए टिबै क्ल्ह्‍यो शूशनर्बै म्हिमैंने या चु ताँ बिइ।

एस्तर 8:14 ပူးပေါင်းရင်းမြစ်များ

एस्तर 1:2

च त्हेर म्रुँ अहासूरसइ शूशनर मुँबै ह्रोंसए राजगद्दिर टिसि शासन लल।

एस्तर 2:3

ह्रोंसए ग्याल्सर्बै ताँन् ह्‍युलउँइँले क्हिइ छ्याँ-छ्याँबै छमिंमैं क्हि टिबै क्ल्ह्‍यो शूशनर्बै दरबरर पखो बिसि क्हिए के लबै म्हिमैं खटिदिद्। धै क्हिए के लबै म्हि हिचडा हेगेए जिम्मार चमैंलाइ थेंन्। धै चमैंलाइ पैरेबै सैमैं पिंन्।

एस्तर 3:13

च प्ह्रिछ्यार तारे खबै च्युसे ङ्हिंर्बै अदार बिबै म्हैनए च्युसे सों त्हिंइर यहूदी ह्रेंर्बै कोलोमैं चिब्मैं, फ्रेंसि छमिमैं, खेब्-माँब्मैं, ताँन् सैवासि चमैंए ताँन् सै न्होर किंवाँन् बिबै ताँमैं च प्ह्रिछ्यार मुँल।

एस्तर 3:14

तोक्दिबै त्हेर यहूदीमैं सैबर ताँन् म्हिमैं तयार तरिगे बिसि प्ह्रिछ्यार्बै ताँमैं ताँन् म्हिमैंइ सेल् त्हुम्।

एस्तर 3:15

म्रुँइ ल्हैदिब् धोंले च प्ह्रिछ्या बोब्मैं युनन् क्ल्ह्‍यो क्ल्ह्‍योर ह्‍याइ। चु ताँमैं राजधानी शूशनर्बै म्हिमैंने या बिइ। चु ताँ थेसि शूशनर्बै म्हिमैं खैलबैल तइ, दिलेया म्रुँ नेरो हामान बिस्याँ प्हा थुँबर टिइ।

एस्तर 8:13

तोक्दिबै त्हिंइर यहूदीमैंइ ह्रोंसए शत्तुरमैंने खि किंल् खाँरिगे बिसि चु प्ह्रिछ्यार्बै ताँमैं क्ल्ह्‍यो-क्ल्ह्‍योर्बै ताँन् म्हिमैंलाइ बिबर ल्हैदिल।

एस्तर 8:15

च लिउँइँ म्रुँमैंइ खिबै तार्ग्या नेरो मु रङर्बै क्वें खिसि मोर्दकै कलाँजी रङर्बै सुतिए पछ्यौर पोइ, धै माराइ बनेबै मुकुट कुसि मोर्दकै म्रुँए दरबाराउँइँले त्होंइ। छले शूशन सहरर मुँबै ताँन् म्हिमैं बेल्‍ले सैं तोंदै उफर्दिइ,