एस्तर 5:9 - परमेश्‍वरए ताँ तमु क्युइर

⁹ च त्हिंइर हामान सैं तोंदै ह्‍यारिमा मोर्दकै म्रुँए दरबारए मुल म्राए ओसों म्रोंइ। हामान म्रोंलेया च आरे, आङ्हिंन्ले क्हुँइ। छाब् म्रोंसि हामान बेल्‍ले ह्रिस खइ।

एस्तर 5:9 ပူးပေါင်းရင်းမြစ်များ

एस्तर 2:19

ताँन् छमिंमैं धबै खागु लमा मोर्दकै म्रुँए दरबारए मुल म्रार टिरिल।

एस्तर 3:2

झाइले म्रुँइ बिब् धोंलेन् म्रुँए दरबारर्बै मुल म्रार राब्मैं ताँनइ हामानलाइ च्हि तुँसि फ्योमल। दिलेया मोर्दकैइ बिस्याँ छ आलमल।

एस्तर 3:5

छले मोर्दकैइ च्हि तुँसि चलाइ आफ्योबै ताँ सेसि हामान बेल्‍ले ह्रिस खइ।

एस्तर 5:13

दिलेया ङल थेबै मान, ल्हें सै न्होरमैं नेरो च्ह-च्हमिमैं मुँलेया च यहूदी मोर्दकै म्रुँए दरबारए मुल म्राए ओसों क्हुँरिब् म्रोंन् समा ङए सैंर सन्तोक आत।”

भजनमैं 15:4

आछ्याँबै के लब्मैंलाइ आखोब, दिलेया याहवेहने ङ्हिंब्मैंलाइ मान लब, ह्रोंसए न्होह्रों तलेया ङ लम् बिबै के पूरा लब,

भजनमैं 27:3

सेनामैं ङए बिरोधर कारग्यु तखलेया, ङए सैं ङ्हिंरिब् आरे। ङए बिरोधर लडें तलेया ङ परमेश्‍वरए फिर भर थेंब्मुँ।

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

मत्ती 2:16

ङ्‌ह्‍योब् लिब्मैंइ खीने स्योर तेना बिब् सेसि हेरोद बेल्‍ले ह्रिस खइ। चइ मुसारा म्रोंबै त्हे च ङ्‌ह्‍योब् लिब्मैंने ङ्योएसि ओंसोंन् था सेल् खाँल। छतमा चमैंइ बिबै त्हे मैंसि हेरोदइ बेथलेहेम नेरो च खागुबै नाँसजरेबै ङ्हिंदि न्होंर्बै मुँयुँ कोलोमैं ताँन् सैबर ल्‍हैदिइ।

लूका 6:25

धिक्‍कार, क्‍हेमैं तोगो म्रेंन्ले चल् योंब्मैं! तलेबिस्याँ लिउँइँ क्‍हेमैं फो ख्रेंल् त्हुब्‍मुँ। धिक्‍कार, क्‍हेमैं तोगो निस्‍योब्‍मैं! तलेबिस्याँ लिउँइँ क्‍हेमैं शोक लसि क्रोल् त्हुब्‍मुँ।

यूहन्‍ना 16:20

क्ह्रोंसेंन ङ क्हेमैंने बिमुँ, क्हेमैं न्हुँ लसि क्रोब्मुँ, दिलेया ह्‍युलर्बै म्हिमैं बिस्याँ सैं तोंब्मुँ। क्हेमैं न्हुँ लसि टिलेया लिउँइँ सैं तोंल् योंब्मुँ।

चेला चिब्मैंए केमैं 7:54

स्तिफनसए ताँ थेसि चमैं बेल्‍ले ह्रिस खसि स ह्राइ।

याकूब 4:9

क्हेमैं बेल्‍ले न्हुँ लद्, धै क्रोद्। क्हेमैं निस्योब्मैं शोक लद्, सैं तोंब्मैं सैं आतोंन्।