एस्तर 5:2 - परमेश्‍वरए ताँ तमु क्युइर

² च्हमा एस्तर ह्‍युर रारिब् म्रोंसि म्रुँइ ह्रोसए योर्बै माराए प्हरे एस्तरउँइँ स्योंइ। छलमा एस्तर चेंदो ह्‍यासि म्रुँए प्हरेए च्होर छुइ।

एस्तर 5:2 ပူးပေါင်းရင်းမြစ်များ

उत्पत्ति 32:28

च स्वर्गदूतइ बिइ, “क्हिइ परमेश्‍वर नेरो म्हिमैंने नेसि ट्होल् खाँइ। छतसि तारे क्हिए मिं याकूब आङिं, इस्रायल तब्मुँ।”

एस्तर 2:9

एस्तर म्रोंमा हेगे बेल्‍ले सैं तोंसि चइ पैरेबै ल्हागिर एस्तरलाइ छ्या-छ्याँबै सैमैं पिंइ। झाइले म्रुँए दरबारउँइँले चए सेवा लबै ल्हागिर हेगेइ छमिंमैं ङि खटेइ। च छमिंमैं टिबै धिंर अरूलाइ भन्दा चमैंलाइ छेन् लइ।

एस्तर 4:11

“मुँयुमैं मुँलै च्हमिरिमैं मुँलै, म्रुँ आहसुरसए दरबार न्होंर होंम् बिस्याँ चए ल्हागिर घ्रि मत्‍त्रे ठिम मुँ। म्रुँइ ह्रोंसने मुँबै माराए प्हरे आस्योंस्याँ च सैवाब्मुँ, माराए प्हरे स्योंइ बिस्याँ च सोल् योंब्मुँ। ङै या म्रुँ ङाँर ह्‍याल् आयोंब सोंच्यु त्हिंइ तइ।”

एस्तर 8:4

छबिमा म्रुँइ एस्तर ङाँइ ह्रोंसए माराए प्हरे स्योंमा एस्तर रेसि म्रुँए ओंसों राइ।

भजनमैं 116:1

ङ याहवेहने म्हाँया लम्, तलेबिस्याँ ङइ ग्वार ह्रिमा खीजी थेमिंइ।

हितोपदेश 21:1

म्रुँए सैं याहवेहए योर मुँ, स्योंर्बै क्यु धोंले चलाइ खनि बोदा ङ्‍हाँमुँ छाइन खीजी लल् खाँम्।

चेला चिब्मैंए केमैं 10:4

छबिमा कर्नेलियस ङ्हिंसि स्वर्गदूत ङाँइ ङ्ह्‍योबै-ङ्ह्‍योबन् लसि, “बिल् त्हुबै ताँ तोइ मुँ वा?” बिइ। स्‍वर्गदूतइ चने बिइ, “क्हिइ ङ्हाँदुमैंए खाँचो टार्दिमिंबै छ्याँबै केमैं नेरो क्हिइ लबै प्राथना परमेश्‍वरए उँइँर फेनेइमुँ।

चेला चिब्मैंए केमैं 7:10

परमेश्‍वरजी चए ताँन् दुःखउँइँले फ्रेमिंसि मिश्र ह्‍युलर्बै फारो म्रुँए उँइँरि चलाइ बुद्धि पिंमा फारोइ चलाइ मिश्र ह्‍युल नेरो ह्रोंसए धिंर्बै ताँन् सैमैंए फिरि क्ल्हे तल् पिंइ।