एस्तर 4:3 - परमेश्‍वरए ताँ तमु क्युइर

³ छले म्रुँइ कुलबै प्ह्रिछ्या योंबै ताँन् क्ल्ह्‍योर्बै यहूदीमैं क्रोदै न्हुँ लसि बर्त टिइ, झाइले चमैं नइ ह्रेंगा खिसि मेप्रोए फिर टिइ।

एस्तर 4:3 ပူးပေါင်းရင်းမြစ်များ

एस्तर 1:1

चुर मुँबै ताँमैं म्रुँ अहासूरसए पलोर तल। च म्रुँ अहासूरसइ भारात ह्‍युलउँइँले कूश ह्‍युल समा प्रसे ङ्हिस्युसे ङिं ह्‍युल फिर ग्याल्स लल।

एस्तर 3:12

झाइले ओंसोंबै म्हैंनए च्युसे सों त्हिंइर म्रुँइ बिबै ताँमैं प्ह्रिबर म्हिमैं हुइइ, धै हामानइ बिब् धोंलेन् म्रुँए के लबै चिब्मैं, ताँन् क्ल्ह्‍योर्बै चिबनाँब्मैं नेरो ताँन् क्ल्ह्‍योर्बै ताँन ह्रेंमैंए चिब्मैंलाइ, चमैंए क्युइर्न प्ह्रिछ्या प्ह्रिसि कुलइ। म्रुँ अहासूरसए मिंउँइँलेन् च प्ह्रिछ्या प्ह्रिल, धै च प्ह्रिछ्यार म्रुँए छाप मुँबै च्याए छापै या झोंल।

एस्तर 4:16

“छ बिस्याँ क्हि ह्‍यासि शूशनर्बै ताँन् यहूदीमैं खागु लद्, धै सोंरो समा त्हिंयाँ म्हुँइँस तोइ आचल्‍ले तोइ आथुँन्ले ङए ल्हागिर बर्त टिद्। ङ नेरो ङए केब्स्योमैं या छलेन् बर्त टिम्। च लिउँइँ ठिमए बिरोधर मुँलैया ङ म्रुँ अहासूरस ङाँर ह्‍याब्मुँ। सिल् त्हुम् बिस्याँ, ङ सिब्मुँ।”

एस्तर 4:2

च्हमा मर्दकइ म्रुँए दरबारए मुल म्रा समा ह्‍याइ, तलेबिस्याँ नइ ह्रेंग खिसि खाबै या म्रुँए मुल म्राउँइँले न्होंर होंल् आयोंमल।

एस्तर 4:4

छतबै ताँ एस्तरए केब्स्योमैं नेरो हिचडमैंइ एस्तर ङाँर खसि बिमा म्रुँस्यो खैल-तोल तसि आदेइ। झाइले मोर्दकैइ नइ ह्रेंग प्लिइ भ्योंवासि छ्याँबै क्वें खिरिगे बिसि एस्तरइ चए ल्हागिर क्वेंमैं पिमिंइ, दिलेया मोर्दकैइ च क्वें खिल् आङिं।

एस्तर 9:31

झाइले यहूदी मोर्दकै नेरो म्रुँस्यो एस्तरइ “चु पूरिम बिबै चाड ठिक त्हिंइर म्हाँदिद्,” बिसि ल्हैदिइ। (यहूदीमैंइ खेंमैंज्यै ह्रोंस नेरो ह्रोंसए सन्तानमैंए ल्हागिर ओंसों योंबै दु:खमैं मैंदै बर्त टिसि सैं नब् म्हाँदिबै ठिम लब् धोंले चमैंइ पूरिम बिबै चाड म्हाँदिबै ठिम लइ।)

योना 3:6

योनाइ बिबै ताँ निनवेर्बै म्रुँ ङाँर फेनइ, धै च ह्रोंसए राजगद्दिउँइँले रेइ, धै ह्रोंसए क्वें प्लिसि चइ या नइए ह्रेंगए क्वें खिइ, झाइले म्येउरो फिर टिइ।

मत्ती 13:42

मिए राबर भ्‍योंवाब्‍मुँ। चर म्हिमैं बेल्‍ले क्रोसि स ह्राब्‍मुँ।

मत्ती 22:13

झाइले म्रुँइ ह्रोंसए के लबै म्‍हिमैंने बिइ, ‘चए यो प्‍हले फैसि बैरु मिछु खैबै क्‍ल्‍ह्‍योर भ्‍योंवाँन्, चर म्‍हिमैं क्रोसि स ह्राब्‍मुँ।’

मत्ती 25:30

चु केर आत्हुबै केब्छैं बैरु मिछु खैबै क्‍ल्‍ह्‍योर भ्‍योंवाँन्, चर म्‍हिमैं क्रोसि स ह्राब्‍मुँ।’