एस्तर 4:11 - परमेश्‍वरए ताँ तमु क्युइर

¹¹ “मुँयुमैं मुँलै च्हमिरिमैं मुँलै, म्रुँ आहसुरसए दरबार न्होंर होंम् बिस्याँ चए ल्हागिर घ्रि मत्‍त्रे ठिम मुँ। म्रुँइ ह्रोंसने मुँबै माराए प्हरे आस्योंस्याँ च सैवाब्मुँ, माराए प्हरे स्योंइ बिस्याँ च सोल् योंब्मुँ। ङै या म्रुँ ङाँर ह्‍याल् आयोंब सोंच्यु त्हिंइ तइ।”

एस्तर 4:11 ပူးပေါင်းရင်းမြစ်များ

एस्तर 1:19

छतसि तारे बश्ती खोंयोंइ क्हिए ङाँर खल् आयोंरिगे बिब क्हिए सैं मुँस्याँ फरिसीमैं नेरो मादीमैंए कानुनइ थोल् आखाँबै प्ह्रिछ्या घ्रि प्ह्रिबर ल्हैदिद्। धै म्रुँस्यो बश्तीए क्ल्ह्‍योरि च भन्दा छ्याँबै च्हमिरिलाइ म्रुँस्यो लसि थेंन्।

एस्तर 2:14

छमिं ङेसर म्रुँए ङाँर बोमल, धै प्हन्हाँधों न्हाँगर म्रुँइ न्हबै च्हमिरिमैंए जिम्मा किंबै म्हि हिचड शाश्गजए जिम्मार अर्को धिंर च बोमल, धै म्रुँ सैं तोंसि चए मिं तेसि आहुइन् समा च म्रुँ ङाँर ह्‍याल् आयोंमल।

एस्तर 4:10

च लिउँइँ धबै मोर्दकैइ ङाँर ह्‍यासि चु ताँ बिद् बिसि एस्तरइ हताक कुलइ,

एस्तर 4:12

हताक ह्‍यासि एस्तरइ बिबै ताँमैं मोर्दकैने बिइ।

एस्तर 6:4

छबिमा म्रुँइ “चोकर खाब् मुँ?” बिसि ङ्योएइ। च त्हेर्न हामानइ मोर्दकै च्योब बिसि चइ बनेबै त्हो क्योसि म्रुँने च ताँ बिबर दरबारर्बै चोकर फेखल।

एस्तर 8:4

छबिमा म्रुँइ एस्तर ङाँइ ह्रोंसए माराए प्हरे स्योंमा एस्तर रेसि म्रुँए ओंसों राइ।

१ पत्रुस 3:7

छलेन ओ मुँयुँमैं, ह्रोंसए प्ह्रेंस्योने बालु सैं क्ह्रिसि टिद्। क्‍हेमैं भन्दा चमैं आभोंब् मुँ बिब् सेसि ताँन् सैर चमैंलाइ मान लद्, तलेबिस्याँ परमेश्‍वरजी पिंबै छ्ह क्‍हेमैं ङ्हिंना-ङ्हिंनइ योंबै हग बराबर मुँ। क्‍हेमैंए प्राथनार बाधा आखरिगे बिसि ह्रोंसए प्ह्रेंस्योने छेनाले क्‍ह्रिसि टिद्।