एस्तर 3:9 - परमेश्‍वरए ताँ तमु क्युइर

⁹ चु ताँ क्हिए सैंर ठिकन् ग ङ्हाँस्याँ छाबै म्हिमैं सैल् त्हुम् बिबै प्ह्रिछ्या घ्रि प्ह्रिबर ल्हैदिद्। छलस्याँ च केए ल्हागिर ङज्यैया लाख सों किलो चाँदि पिंब्मुँ।”

एस्तर 3:9 ပူးပေါင်းရင်းမြစ်များ

उत्पत्ति 23:16

छबिमा अब्राहामइ एप्रोनए ताँ ङिंइ। छतसि चइ हित्तीमैंए उँइँर एप्रोनइ बिब् धों प्रेन् चाँदिए मुइ प्लिब्ब्र च त्हेर चल्दिबै पारइ क्वेसि पिंइ।

एस्तर 3:10

छबिमा म्रुँइ ह्रोंसए छाप मुँबै च्या चए योउँइँले प्लिसि यहूदीमैंए शत्तुर अगागी ह्रेंर्बै हम्मदाताए च्ह हामानलाइ पिंइ।

एस्तर 3:8

झाइले हामानइ म्रुँ अहासूरसने बिइ, “क्हिए ग्याल्सर मुँबै ह्रेंमैंए म्हाँजोर छाबै ह्रें घ्रि मुँ, चमैंए रोस अरू म्हिमैंल् भन्दा स्योन् मुँ। चमैंइ म्रुँए कानुनमैं आम्हाँदि, छतसि म्रुँए ल्हागिर चमैं ठिक आरे।

एस्तर 4:7

छले हताक च ङाँर खमा मोर्दकैइ “म्रुँइ यहूदीमैं सैल् त्हुम् बिसि प्ह्रिछ्या प्ह्रिइ, धै युहूदिमैं सैबर हामानइ लाख सों किलो चाँदि पिंम्। छतसि ङ बेल्‍ले न्हुँ खइमुँ बिबै ता एस्तरने बिमिंन्,” बिसि हाताकने बिइ।

एस्तर 7:4

तलेबिस्याँ ङ नेरो ङए ह्रेंमैंलाइ सैवासि ङिए मिं-क्ह्रन् म्हवाद् बिसि म्हिमैंलाइ मुइ पिंइमुँ। ङिलाइ केब्छैं-केब्स्योमैं तबर मत्‍त्रे चुँवाब् ग बिस्याँ ङ आपोंन्ले टिमल, च्हौ च्योंबै ताँर म्रुँलाइ छोंरों ङ्हाँन् आलमल।”

मत्ती 18:24

झाइले म्रुँइ हिसाब किंबर होंमा हजार च्‍यु माराए मुइ फोल् त्‍हुबै म्हि घ्रि म्रुँ ङाँर पखइ।