एस्तर 3:7 - परमेश्‍वरए ताँ तमु क्युइर

⁷ छतसि म्रुँ अहासूरसइ ग्याल्स लबै च्युसे ङ्हिं बर्षर्बै नीसान (बैसाख) बिबै ओंसोंबै म्हैनरि “यहूदीमैंलाइ खाब म्हैनर्बै खाब त्हिंइर सैब?” बिसि त्हिंइ तोक्दिबर हामानए उँइँर म्हिमैंइ म्हैन ह्रोंसे चिट्ठा झोंमल। (च चिट्ठालाइ “पूर” बिमल।) चिट्ठा लिउँइँबै अदार (चैत्र) बिबै च्युसे ङ्हिं म्हैंनर्बै च्युसे सों त्हिंइर तइ।

एस्तर 3:7 ပူးပေါင်းရင်းမြစ်များ

एस्तर 1:3

चइ शासन लबै सोंदिर ह्रोंसए ताँन् के लब्मैंए जिम्मा नोब्मैं नेरो चर्बै चिब्मैंए ल्हागिर थेबै भत्‍तेर पिंइ। छले भत्‍तेर पिंमा चर ताँन् ह्‍युलर्बै म्रुँमैंए प्हसेमैं, फारसी नेरो मादी सेनामैं, थे-थेबै म्हिमैं नेरो ताँन् ह्‍युलर्बै चिबनाँब्मैं खइ।

एस्तर 2:16

म्रुँ अहासूरसइ ग्याल्स लसि टुदिंसे म्हैंन च्युल् तमा, तेबेत (पौष) बिबै म्हैनर, एस्तरलाइ दरबारर म्रुँ ङाँर बोइ।

एस्तर 9:1

म्रुँइ ओंसोंन् बिब् धोंले अदार (फागुन) बिबै च्युसे ङ्हिं म्हैनर्बै च्युसे सोंगैंर प्ह्रिछ्यार प्ह्रिब् धोंलेन् लबै त्हे तखइ। च त्हिंइर यहूदीमैंए शत्तुरमैंइ यहूदीमैं खेंमैंए न्होंर थेंल् योंबै आशा लल, दिलेया उल्टोन् चमैं यहूदीमैंए न्होंर टिल् त्हुबै त्हिंइ तइ।

एस्तर 9:21

च प्ह्रिछ्यार “तारे सेरे बर्ष ह्रोंसे चु अदार म्हैनए च्युसे प्लि नेरो च्युसे ङ्‍ह त्हिंइलाइ बेल्‍ले छेन्ले म्हाँदिद्।

एस्तर 9:5

छतसि यहूदीमैंइ खेंमैंलाइ हेल लब्मैंलाइ खै लदा ङ्हामुँ छान् लल् योंइ। धै चमैंइ ताँन् शत्तुरमैं सेलाँइ सैवाइ।

हितोपदेश 16:33

म्हिइ चिट्टाम् झोंमुँ, दिलेया तोन्दोंरि ताँए जवाफ याहवेहउँइँलेन् खम्।

मत्ती 27:35

चमैंइ येशूलाइ क्रूसर च्योवाबै लिउँइँ खीए क्‍वें चिट्ठा झोंसि खेंमैंए न्होंर चुइ।