एस्तर 3:5 - परमेश्‍वरए ताँ तमु क्युइर

⁵ छले मोर्दकैइ च्हि तुँसि चलाइ आफ्योबै ताँ सेसि हामान बेल्‍ले ह्रिस खइ।

एस्तर 3:5 ပူးပေါင်းရင်းမြစ်များ

एस्तर 1:12

दिलेया चइ खो बिसि सँउँसर कुलसेया म्रुँस्यो बश्ती आखमा म्रुँ मि धोंलेन् लुँबै ह्रिस खइ।

एस्तर 3:2

झाइले म्रुँइ बिब् धोंलेन् म्रुँए दरबारर्बै मुल म्रार राब्मैं ताँनइ हामानलाइ च्हि तुँसि फ्योमल। दिलेया मोर्दकैइ बिस्याँ छ आलमल।

एस्तर 3:4

बिसि त्हिंइ ह्रोंसे बिरिमल। दिलेया मोर्दकइ चमैंए ताँ थेबै न्है आलमल। मोर्दकैइ “ङ यहूदी ग” बिसि चमैंने ओंसोंन् बिल। छतसि च अझै हामानलाइ फ्योब आफ्योब् बिसि चमैंइ “मोर्दकैइ क्हिलाइ आफ्योब् ग,” बिसि हामानने बिइ।

एस्तर 5:9

च त्हिंइर हामान सैं तोंदै ह्‍यारिमा मोर्दकै म्रुँए दरबारए मुल म्राए ओसों म्रोंइ। हामान म्रोंलेया च आरे, आङ्हिंन्ले क्हुँइ। छाब् म्रोंसि हामान बेल्‍ले ह्रिस खइ।

भजनमैं 37:12

दुष्‍ट म्हिइ ठिक के लबै म्हिए बिरोधर आछ्याँबै चाँजोमैं लम्, धै च म्रोंसि स ह्राम्,

हितोपदेश 12:16

आमादुमैं युनन् ह्रिस खम्, दिलेया ताँ क्होल् खाँबै म्हिइ ह्रोंस फापिन् तमै या तोइ आबिल्‍ले टिरिम्।

हितोपदेश 19:19

ल्हें ह्रिस खबै म्हिइ सजैं योंब्मुँ, क्हिइ चलाइ जोगेइ बिस्याँ धबै छलेन् जोगेल् त्हुब्मुँ।

हितोपदेश 21:24

ह्रिस खदै ओग्रोंले के लबै म्हिलाइ “घमण्डि” बिम्, च दयाम्हाँया आरेब नेरो बुद्धि आरेब् तम्।