एस्तर 3:10 - परमेश्‍वरए ताँ तमु क्युइर

¹⁰ छबिमा म्रुँइ ह्रोंसए छाप मुँबै च्या चए योउँइँले प्लिसि यहूदीमैंए शत्तुर अगागी ह्रेंर्बै हम्मदाताए च्ह हामानलाइ पिंइ।

एस्तर 3:10 ပူးပေါင်းရင်းမြစ်များ

उत्पत्ति 41:42

छबिसि फारो म्रुँइ छाप मुँबै ह्रोंसए च्या योउँइँले प्लिसि योसेफए योर खिमिंइ। धै छ्याँबै मलमलाए क्वेंइ पैरेमिंसि चए खरिर माराए सिग्रि खिमिंइ।

एस्तर 3:1

च लिउँइँ म्रुँ अहासूरसइ अगागी ह्रेंर्बै हम्मदाताए च्ह हामानए मान बढिमिंसि ताँन् भन्दा थेबै चिब लमिंइ।

एस्तर 3:11

झाइले म्रुँइ हामानने बिइ, “च चाँदि क्हिनेन् थेंन्, धै चु ह्रें या क्हिए योर्न पिंमुँ। क्हिइ तो लदा ङ्हाँमुँ, चन् लद्।”

एस्तर 3:9

चु ताँ क्हिए सैंर ठिकन् ग ङ्हाँस्याँ छाबै म्हिमैं सैल् त्हुम् बिबै प्ह्रिछ्या घ्रि प्ह्रिबर ल्हैदिद्। छलस्याँ च केए ल्हागिर ङज्यैया लाख सों किलो चाँदि पिंब्मुँ।”

एस्तर 7:6

एस्तरइ बिइ, “ङलाइ सैल् म्हैबै ङिए शत्तुर चु दुष्‍ट हामानन् ग।” छ बिब् थेसि म्रुँ नेरो म्रुँस्योए ओंसों हामान बेल्‍ले ङ्हिंइ।

एस्तर 8:2

झाइले म्रुँइ ह्रोंसए योर्बै च्या प्लिसि मोर्दकैलाइ पिंइ। च च्या म्रुँइ ओंसों हामान पिंल, धबै लिउँइँ चइन प्हेंवाइ। धै एस्तरज्यै या हामानए धिं-नाँए जिम्मा मोर्दकैलाइ पिंइ।

एस्तर 8:8

दिलेया म्रुँए मिंर प्ह्रिसि चइ च्याए छाप ल्हैदिबै प्ह्रिछ्या खाबज्यै थोल् आखाँ। छतसि तारे क्हेमैंइ क्हेमैंए ल्हागिर खैले छ्याँब तम् ङ्हाँमुँ, छलेन ङए मिंर अर्को प्ह्रिछ्या घ्रि प्ह्रिद्, धै ङए च्याए छाप ल्हैदिद्।”