एस्तर 2:9 - परमेश्‍वरए ताँ तमु क्युइर

⁹ एस्तर म्रोंमा हेगे बेल्‍ले सैं तोंसि चइ पैरेबै ल्हागिर एस्तरलाइ छ्या-छ्याँबै सैमैं पिंइ। झाइले म्रुँए दरबारउँइँले चए सेवा लबै ल्हागिर हेगेइ छमिंमैं ङि खटेइ। च छमिंमैं टिबै धिंर अरूलाइ भन्दा चमैंलाइ छेन् लइ।

एस्तर 2:9 ပူးပေါင်းရင်းမြစ်များ

उत्पत्ति 39:21

दिलेया याहवेह योसेफने बालु मुँल। खीजी चए फिर ल्हयो खइ, छतसि योसेफ झेलर्बै चिबइ खोबै म्हि तल् पिंइ।

उत्पत्ति 39:4

सैं तोंइ, धै ह्रोंसए धिंर के लब्मैंए न्होंर्बै चिब लमिंइ। ह्रोंसने मुँबै तोन्दोंरि सैए जिम्मा योसेफलाइ पिंइ।

एस्तर 2:12

च त्हेर छमिंमैं म्रुँ ङाँर बोब् भन्दा ओंसों म्हैंन टुल् समा मुर्रए छ्युगु, म्हैना टुल अत्तर फोसि छ्याँ-छ्याँबै सैमैंइ पैरेमिंमल। धै तिदिं योबै लिउँइँ छमिंमैं पलो-पलोले म्रुँ ङाँर बोमल।

एस्तर 2:3

ह्रोंसए ग्याल्सर्बै ताँन् ह्‍युलउँइँले क्हिइ छ्याँ-छ्याँबै छमिंमैं क्हि टिबै क्ल्ह्‍यो शूशनर्बै दरबरर पखो बिसि क्हिए के लबै म्हिमैं खटिदिद्। धै क्हिए के लबै म्हि हिचडा हेगेए जिम्मार चमैंलाइ थेंन्। धै चमैंलाइ पैरेबै सैमैं पिंन्।

एस्तर 5:2

च्हमा एस्तर ह्‍युर रारिब् म्रोंसि म्रुँइ ह्रोसए योर्बै माराए प्हरे एस्तरउँइँ स्योंइ। छलमा एस्तर चेंदो ह्‍यासि म्रुँए प्हरेए च्होर छुइ।

भजनमैं 106:46

चमैंलाइ फैसि बोयाब्मैंलाज्यै या खीजी चमैंए फिर ल्हयो खल् लमिंइ।

हितोपदेश 16:7

क्हिइ याहवेहलाइ सैं तोंन् लस्याँ खीजी शत्तुरमैंलाज्यै या क्हिए थु लमिंब्मुँ।

चेला चिब्मैंए केमैं 7:10

परमेश्‍वरजी चए ताँन् दुःखउँइँले फ्रेमिंसि मिश्र ह्‍युलर्बै फारो म्रुँए उँइँरि चलाइ बुद्धि पिंमा फारोइ चलाइ मिश्र ह्‍युल नेरो ह्रोंसए धिंर्बै ताँन् सैमैंए फिरि क्ल्हे तल् पिंइ।