एस्तर 2:7 - परमेश्‍वरए ताँ तमु क्युइर

⁷ चइ ह्रोंसए प्हाज्योंए च्हमि हदस्सा बिबै एस्तर धर्म च्हमि बनेल, तलेबिस्याँ चल आबा-आमा खाबै आरेल। च बेल्‍ले छ्याँब मुँल। चए आबा आमा सिबै लिउँइँ मोर्दकैइ च ह्रोंसए च्हमि धोंले न्हल।

एस्तर 2:7 ပူးပေါင်းရင်းမြစ်များ

उत्पत्ति 48:5

याकूबइ धबै बिइ, “ङ मिश्रर खब् भन्दा ओंसों मिश्रर फिबै क्हिए च्हमैं ङ्हिं ङलन् ग। रूबेन नेरो शिमियोन धोंले एफ्राइम नेरो मनश्शे या ङलन् ग।

एस्तर 1:11

तलेबिस्याँ म्रुँस्यो बश्ती बेल्‍ले छ्याँब मुँल। छतसि चर्बै चिबनाँब्मैं नेरो अरू ताँन् मुँयुमैंइ म्रुँस्यो म्रोंरिगे बिबै सैं म्रुँल् मुँल।

एस्तर 2:15

च त्हेर्न मोर्दकैए प्हाज्यों अबीहेलए च्हमि एस्तर म्रुँ ङाँर ह्‍याबै पलो खइ। (मोर्दकैइ एस्तरलाइ ह्रोंसए च्हमि धोंलेन् न्हल।) झाइले च छमिंमैं रुँबर थेंबै हिचड हेगेइ तो-तो बोद् बिल च मत्त्रे एस्तरइ बोइ, अरू तोइ आबो। एस्तरलाइ म्रोंब्मैं ताँनइ चलाइ छ्याँब ङ्हाँइ।

एस्तर 2:20

मोर्दकैइ बिब् धोंलेन् एस्तरइ च त्हे समा च खाब म्हिमैं ग बिसि नेरो ह्रोंसए परवाए बारेर खाब्नेया तोइ आबिल। तलेबिस्याँ कोलो ओंनोंन् चइ मोर्दकैइ बिबै ताँ ङिंमल।

एस्तर 8:1

च त्हिंइर्न म्रुँ अहासूरसइ यहूदीमैंए शत्तुर हामानए धिं-नाँ ताँन् एस्तरलाइ पिंवाइ। झाइले एस्तरइ म्रुँने मोर्दकै ङए प्हाज्यों ग बिइ, छतसि च त्हेउँइँले मोर्दकै म्रुँ ङाँर खल् योंइ।

२ कोरिन्थी 6:18

ङ क्‍हेमैंए आबा तब्‍मुँ, झाइले क्‍हेमैं ङए च्‍ह-चमिंमैं तब्‍मुँ। बिसि ताँन् भन्दा थेबै शक्‍ति मुँबै याहवेहजी बिइमुँ।”

एफिसी 6:4

ओ आबामैं, क्‍हेमैंइ ह्रोंसए प्हसेमैंलाइ छोरों ङ्हाँन्ले कच कच लसि ह्रिस खल् आलद्। बरु प्रभुलाइ म्हाँदिबै छ्याँबै बानि लोमिंसि ठिक तार झोंन्।

१ यूहन्‍ना 3:1

मैंन्दि, परमेश्‍वर आबाजी ङ्योलाइ कति थेबै म्हाँया लइमुँ। च्‍हौ थेबै म्हाँया लसि खीजी ङ्योलाइ “ह्रोंसए प्‍हसेमैं” बिइमुँ। क्ह्रोंसेंन ङ्यो परमेश्‍वरए प्‍हसेमैं तइमुँ। चु ह्‍युलर्बै म्‍हिमैंइ परमेश्‍वरलाइ ङो आसेइमुँ, छतसि ङ्योलाइ “परमेश्‍वरए प्‍हसेमैं ग,” बिसि आसे।