एस्तर 2:18 - परमेश्‍वरए ताँ तमु क्युइर

¹⁸ च लिउँइँ म्रुँइ ह्रोंसए ग्याल्सर्बै ताँन् ह्‍युलर छुट्टि लसि ह्रोंसए ग्याल्सर्बै चिबनाँब्मैं नेरो ह्रोंसए सेवा लब्मैं हुइसि एस्तरए मिंर थेबै भत्तेर पिंइ। धै ताँनलाइ सै ल्हें फेबै सैमैं पिंइ।

एस्तर 2:18 ပူးပေါင်းရင်းမြစ်များ

उत्पत्ति 29:22

छबिमा लाबानइ च क्ल्ह्‍योर्बै ताँन् म्हिमैं हुइसि भत्येर पिंइ।

एस्तर 1:7

धै सैं तोंदै म्रुँइ स्यो-स्योबै बुट्‍टा झोंबै माराए प्हेलर अँगुरए प्हा झोंसि चर टिबै म्हिमैंलाइ म्रेंन्ले थुँल् पिंइ।

एस्तर 9:22

च त्हिंइ ङ्योइ शत्तुरमैंलाइ ट्होबै त्हिंइ ग। च त्हिंइ ङ्यो न्हुँ नेरो दु:खउँइँले फ्रेसि छिं ङ्हाँबै त्हिंइ ग। छतसि सैं तोंदै म्हाँदिद्। च त्हिंइर घ्रिइ घ्रिलाइ चबै सैमैं पिमिंन्, धै आयो-आख्युब्मैंलाइ चल् पिंन्,” बिसि प्ह्रिल।

मत्ती 22:2

“स्‍वर्गर्बै ग्याल्स म्रुँ घ्रिने च्हैंल् खाँम्। चइ ह्रोंसए च्‍हए ब्ह्‍यार थेबै भत्‍यार लइ।

मर्कूस 6:21

लिउइ मत्‍त्रे हेरोदियासइ यूहन्‍ना सैबै मौका योंइ। च त्हिंइ हेरोद म्रुँ फिबै त्हिंइ मुँल। छतसि हेरोद म्रुँइ ह्रोंसए दरबारर्बै क्रथे मिंथेमैं, कप्‍तानमैं नेरो गालील ह्‍युलर्बै चिबनाँब्मैंए ल्हागिर भत्यार लइ।

लूका 14:8

“क्हेमैं ब्ह्‍या भत्‍यारर ह्‍यामा छ्याँबै क्‍ल्‍ह्‍योर आक्हुँन्, तलेबिस्याँ क्‍हि भन्दा थेबै म्‍हि च न्हिम्तोर खल् खाँम्।

दर्शन 11:10

चु अगमबक्‍तामैं ङ्हिंइ पृथ्‍बीर्बै म्‍हिमैं ल्हें दुःख पिंल। छतसि चमैंए सिनु म्रोंसि पृथ्‍बीर्बै म्‍हिमैं बेल्‍ले सैं तोंब्‍मुँ, धै चमैंइ खें-खेंमैंए न्होंर चिनु पिंब-किंब लब्‍मुँ।

दर्शन 19:9

च लिउँइँ स्‍वर्गदूतइ ङने बिइ, “चु ताँ प्‍ह्रिद्: क्‍यु च्हजए ब्ह्‍याए न्हिम्तोर हुइब्मैं ङ्‍हो सब्मैं ग।” स्‍वर्गदूतइ धबै बिइ, “परमेश्‍वरजी बिबै क्ह्रोंसेंन्बै ताँमैं चुमैंन् ग।”