एस्तर 2:15 - परमेश्‍वरए ताँ तमु क्युइर

¹⁵ च त्हेर्न मोर्दकैए प्हाज्यों अबीहेलए च्हमि एस्तर म्रुँ ङाँर ह्‍याबै पलो खइ। (मोर्दकैइ एस्तरलाइ ह्रोंसए च्हमि धोंलेन् न्हल।) झाइले च छमिंमैं रुँबर थेंबै हिचड हेगेइ तो-तो बोद् बिल च मत्त्रे एस्तरइ बोइ, अरू तोइ आबो। एस्तरलाइ म्रोंब्मैं ताँनइ चलाइ छ्याँब ङ्हाँइ।

एस्तर 2:15 ပူးပေါင်းရင်းမြစ်များ

एस्तर 2:14

छमिं ङेसर म्रुँए ङाँर बोमल, धै प्हन्हाँधों न्हाँगर म्रुँइ न्हबै च्हमिरिमैंए जिम्मा किंबै म्हि हिचड शाश्गजए जिम्मार अर्को धिंर च बोमल, धै म्रुँ सैं तोंसि चए मिं तेसि आहुइन् समा च म्रुँ ङाँर ह्‍याल् आयोंमल।

एस्तर 2:16

म्रुँ अहासूरसइ ग्याल्स लसि टुदिंसे म्हैंन च्युल् तमा, तेबेत (पौष) बिबै म्हैनर, एस्तरलाइ दरबारर म्रुँ ङाँर बोइ।

एस्तर 2:3

ह्रोंसए ग्याल्सर्बै ताँन् ह्‍युलउँइँले क्हिइ छ्याँ-छ्याँबै छमिंमैं क्हि टिबै क्ल्ह्‍यो शूशनर्बै दरबरर पखो बिसि क्हिए के लबै म्हिमैं खटिदिद्। धै क्हिए के लबै म्हि हिचडा हेगेए जिम्मार चमैंलाइ थेंन्। धै चमैंलाइ पैरेबै सैमैं पिंन्।

एस्तर 8:1

च त्हिंइर्न म्रुँ अहासूरसइ यहूदीमैंए शत्तुर हामानए धिं-नाँ ताँन् एस्तरलाइ पिंवाइ। झाइले एस्तरइ म्रुँने मोर्दकै ङए प्हाज्यों ग बिइ, छतसि च त्हेउँइँले मोर्दकै म्रुँ ङाँर खल् योंइ।

एस्तर 9:29

चु ताँ धबै अबीहेलए च्हमि म्रुँस्यो एस्तर नेरो यहूदी मोर्दकैइ “चु पूरिम बिबै चाड खैले बिलै म्हाँदिल् त्हुम्। चु ङ्योए ल्हागिर थेबै त्हिंइ ग,” बिसि थेबै अधिकारले अर्को प्ह्रिछ्या प्ह्रिइ।

हितोपदेश 15:33

याहवेहए मान लबै म्हिइ बुद्धि योंम्, ह्रोंस च्योंने तस्याँ मान योंब्मुँ।

चेला चिब्मैंए केमैं 7:10

परमेश्‍वरजी चए ताँन् दुःखउँइँले फ्रेमिंसि मिश्र ह्‍युलर्बै फारो म्रुँए उँइँरि चलाइ बुद्धि पिंमा फारोइ चलाइ मिश्र ह्‍युल नेरो ह्रोंसए धिंर्बै ताँन् सैमैंए फिरि क्ल्हे तल् पिंइ।