एफिसी 6:5 - परमेश्‍वरए ताँ तमु क्युइर

⁵ ओ केब्छैं केब्स्योमैं, प्रभुजी बिबै ताँ ङिंब् धोंलेन् क्‍हेमैंए क्ल्हेमैंइ बिबै ताँ या ङिंन्। चमैंने ङ्हिंन् धै छ्याँबै सैंले चमैंए के लद्।

एफिसी 6:5 ပူးပေါင်းရင်းမြစ်များ

उत्पत्ति 16:9

याहवेहए स्वर्गदूतजी चने बिइ, “क्हिए नेब्स्यो ङाँर एसि ह्‍याद्, धै चए न्होंर टिद्।”

भजनमैं 123:2

खैले केब्छैंमैंए मिइ ह्रोंसए क्ल्हेए योउँइँ ङ्ह्‍योमुँ, खैले क्येब्स्योए मिइ ह्रोंसए क्ल्हेस्योए योउँइँ ङ्ह्‍योमुँ, छलेन ङिए याहवेह परमेश्‍वरजी ङिए फिर ल्हयो आखन् समा ङिए मि खी ङाँइँन ङ्ह्‍योरिम्।

भजनमैं 86:11

ओ याहवेह, क्हिए घ्याँर प्रबर ङलाइ लोमिंन्, धै क्हिए क्ह्रोसेंन्बै घ्याँर ङ प्रब्मुँ; क्हिए मिंलाइ ङइ मान लल् खाँरिगे बिसि ङए सैं खोंयोंन् बिलै क्हि ङाँइन तल् पिंन्।

मत्ती 6:22

“ज्युर्बै बत्ति मि ग। छतसि क्‍हिए मि चारब मुँ बिस्याँ क्हिए ताँन् ज्यु या छ्याँब तसि चारब तम्।

मत्ती 6:24

“खाबज्यै या क्ल्हे ङ्हिंए सेवा लल् आखाँ। तलेबिस्याँ सेवा लबै म्हिइ क्ल्हे घ्रिलाइ हेल लब्मुँ, क्ल्हे घ्रिलाइ मान लब्मुँ, अथवा घ्रिलाइ छेन्‍ले म्हाँदिमुँ, अर्कोलाइ आम्हाँदि। छलेन क्‍हेमैंज्‍यै या परमेश्‍वर नेरो मुइ ङ्हिंना ङ्हिंनाए सेवा लल् आखाँ।

मत्ती 8:9

ङज्यै चु ताँ छेन्ले सेम्, तलेबिस्याँ ङ या क्रथेए न्होंरि मुँ, धै ङए न्होंरि सिपाइमैं मुँ। ङइ घ्रिने ‘ह्‍याद्’ बिस्‍याँ च ह्‍याम्, अर्कोने ‘खो’ बिस्‍याँ च खम्। ङए के लबै म्हिने ङइ तो लद् बिमुँ छान् लम्।”

चेला चिब्मैंए केमैं 2:46

चमैं त्हिंइ ह्रोंसे मन्दिरर खागु तमल, धै धिं-धिंर चमैं सैं घ्रिले प्रभु भोज चसि सैं तोंदै बालुन् चब् चब्रें लमल।

रोमी 9:3

ङए ह्रेंर्बै अलि अङाँमैंइ खोंयोंइ आखाँबै छ्ह योंबै ल्हागिर परमेश्‍वरजी ङलाइ सराप पिंसि ङन् ख्रीष्‍टउँइँले फ्रेवाल् त्‍हुलेया ङ सैं तोंमल।

१ कोरिन्थी 2:3

छतसि ङ क्‍हेमैं ङाँर भों आरेबै म्हि धोंले ङ्हिंदा-ङ्हिंदाले त्हारदै खइ।

१ कोरिन्थी 7:22

तलेबिस्याँ प्रभुजी त्हाँमा केब्छैं मुँलेया तारे चलाइ प्रभु येशूजी केब्छैं तबइले फ्रेमिंइमुँ। छलेन प्रभुजी त्हाँबै त्हेसेरो च म्हि केब्छैं तबइले फ्रेमिंइमुँ, छतसि च म्‍हि प्रभुए के लबै म्हि तइमुँ।

२ कोरिन्थी 1:12

चु ताँ बिल् योंमा ङि ङ्‍हो च्हौ प्ल्ह्‍याब् धों ङ्हाँइमुँ, ङिए सैंज्यै या छान् बिम्। ङिइ चु ह्‍युलर छ्ह थोमा छ्याँबै केमैं लसि छेनाले प्रब्-टिब लइ, क्‍हेमैंने मुँमै या ङि छेनाले प्रब्-टिब पोंब लसि परमेश्‍वरए क्‍ह्रोंसेंन्बै घ्याँर प्रल। ङिइ छाबै केमैं म्‍हिए ज्ञान बुद्धिउँइँले लब आङिं, चु केमैं ङिइ परमेश्‍वरए दयाम्हाँयाउँइँले लल् खाँब् ग।

२ कोरिन्थी 7:15

क्‍हेमैं तीतसने ङ्हिंसि चलाइ बेल्‍ले मान लइ, झाइले क्‍हेमैं ताँनइ चइ बिबै ताँ ङिंबर तयार तइ। छतसि क्‍हेमैंइ लबै च्हौ छ्याँबै केमैं मैंसि तीतसइ क्हेमैंए फिर म्हाँया झन् ल्हें लइमुँ।

एफिसी 5:22

ओ च्हमिरिमैं, प्रभुए न्होंर टिब् धोंलेन् ह्रोंसए प्‍युँए न्होंर टिद्।

एफिसी 6:24

छले ङ्योए प्रभु येशूए फिर म्हाँया लब्मैं ताँनने खोंयोंन् बिलै परमेश्‍वरए दयाम्हाँया तरिगे।

फिलिप्पी 2:12

छतसि, ओ ङइ खोबै अलि-अङाँमैं, क्हेमैंइ खोंयोंइ ङइ बिबै ताँमैं ङिंरिइमुँ। ङ क्‍हेमैंने मुँमा ङए उँइँर लब् धोंले मत्‍त्रे आङिं, ङ क्हेमैंने आरेबै त्हेरै या छलेन परमेश्‍वरने ङ्हिंदै ह्रोंसइ योंबै मुक्‍ति जोगेबर के लसि उँइँन्।

फिलेमोन 1:16

तारे च क्हिए केब्छैं आङिं, केब्छैं भन्दा थेब क्‍हिइ खोबै अलि तरिगे। ङइ चलाइ बेल्‍ले म्हाँया लमुँ। बिलन् त्हुमा अझै क्हिए ल्हागिरि च क्हिए के लबै म्हि ग, झन् च भन्दै थेबै ताँ च प्रभुए फिर बिश्‍वास लबै खोबै अलि ग। छतमा क्हिज्यै या चलाइ बेल्‍ले म्हाँया लब्‍मुँ बिसि ङए सैंर ङ्हाँइमुँ।

१ पत्रुस 3:2

तलेबिस्याँ क्हेमैंइ परमेश्‍वरलाइ छेनाले म्हाँदिसि छ्याँबै बानि लब् म्रोंसि चमैंए सैं एब्‍मुँ।