एफिसी 6:24 - परमेश्‍वरए ताँ तमु क्युइर

²⁴ छले ङ्योए प्रभु येशूए फिर म्हाँया लब्मैं ताँनने खोंयोंन् बिलै परमेश्‍वरए दयाम्हाँया तरिगे।

एफिसी 6:24 ပူးပေါင်းရင်းမြစ်များ

मत्ती 22:37

खीजी चमैंने बिइ, “‘क्‍हिइ ह्रोंसए याहवेह परमेश्‍वरलाइ ह्रोंसए खों न्होंइले, सैं न्होइले, ह्रोंसए ज्युइ खाँब्दे म्हाँया लल् त्‍हुम्।’

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

रोमी 2:7

तोन् तलेया छ्याँबै के लसि स्‍याबासि, इजेत नेरो खोंयोंइ आखाँबै छ्ह म्‍हैब्मैंलाइ परमेश्‍वरजी खोंयोंइ आखाँबै छ्ह पिंब्‍मुँ।

२ कोरिन्थी 13:14

प्रभु येशू ख्रीष्‍टजी पिंबै दयाम्हाँया, परमेश्‍वर आबाजी लबै म्हाँया नेरो पबित्र प्ल्हउँइँले तबै संगति क्‍हेमैं ताँनने तरिगे।

२ कोरिन्थी 8:12

तलेबिस्याँ पिंबै सैं मुँस्याँ क्‍हेमैंइ पिंल् खाँब् दे पिंबै भेटि म्रोंसि परमेश्‍वर सैं तोंम्। आरेस्याँ म्हैसि पिंल् आत्हु।

२ कोरिन्थी 8:8

ङइ क्‍हेमैंलाइ हुकुम पिंसि बिब आङिं, दिलेया अरूमैंइ भों खल्‍ले छ्याँबै के लब् म्रोंसि क्‍हेमैंए म्हाँया क्‍ह्रोंसेंन ङिंब् उ आङिं बिसि जाँच लबर ग।

एफिसी 6:23

परमेश्‍वर आबा नेरो प्रभु येशू ख्रीष्‍टजी ताँन् बिश्‍वासीमैंलाइ छिं ङ्हाँल् पिंरिगे धै खीए थेबै दयाम्हाँयाजी चमैंए बिश्‍वास भोंब् लमिंरिगे।

फिलिप्पी 1:1

ङि ख्रीष्‍ट येशूए केब्छैंमैं पावल नेरो तिमोथीउँइँले फिलिप्‍पी सहरर्बै बिश्‍वासीमैं नेरो छैं लबै चिबनाँब्मैं धै ल्होमिंबै डिकनमैंलाइ जय मसीह मुँ। क्हेमैं ख्रीष्‍ट येशूने घ्रिन् तसि टिब्मैं ग।

कलस्सी 4:18

ङए योउँइँले ङइ चु ताँ प्‍ह्रिइमुँ: ङ पावलउँइँले जय मसीह मुँ। ङ झेलर च्युइमुँ आम्‍लेल्‍ले ङए ल्हागिर प्राथना लमिंन्। परमेश्‍वरए दयाम्हाँया क्‍हेमैंने तरिगे।

२ तिमोथी 4:22

प्रभु खोंयोंन् बिलै क्‍हिने प्रे तरिगे। धै खीए दयाम्हाँया क्हेमैंइ योंरिगे।

तीतस 2:7

क्हिइ तो सैरै या स्योर आतेद्, ह्रोंसइ लबै ताँन् केमैंर छ्याँबै नमुना उँइँल् त्‍हुम्। छतमा क्हिइ बिबै ताँमैं या अरूइ क्वेंरिगे।

तीतस 3:15

ङने चुर मुँबै थुमैं ताँनइ क्‍हिलाइ जय मसीह बिमिंइमुँ। प्रभु येशूए फिर बिश्‍वास लसि ङिलाइ म्हाँया लब्‍मैंलाज्यै या ङिए जय मसीह बिमिंन्। क्‍हेमैं ताँन्‍ने परमेश्‍वरए दयाम्हाँया तरिगे।

हिब्रू 13:25

क्‍हेमैं ताँनने परमेश्‍वरए दयाम्हाँया खोंयोंन् बिलै तरिगे।