एफिसी 6:21 - परमेश्‍वरए ताँ तमु क्युइर

²¹ ङ खैबै म्हि जा, ङइ तो के लमुँ बिबै ताँ ङइ खोबै अलि तुखिकसइ क्‍हेमैंने बिमिंब्मुँ। चइ प्रभुए ल्हागिर छेनाले के लम्।

एफिसी 6:21 ပူးပေါင်းရင်းမြစ်များ

चेला चिब्मैंए केमैं 20:4

झाइले पावलने बालु बेरियाथें पुरसए च्ह सोपात्रोस, थेसलोनिकाथेंमैं अरिस्‍तार्खस नेरो सिकन्‍दस, डर्बिथें गायस, तिमोथी, नेरो एशियाथेंमैं तुखिकस नेरो त्रोफिमस ह्‍याइ।

१ कोरिन्थी 4:17

ङइ क्हेमैं ङाँर प्रभुए फिर बिश्‍वास लबै खोबै तिमोथी कुलइमुँ। च ङए च्‍ह धोंन् तब् ग। ङइ क्ल्ह्‍यो-क्ल्ह्‍योर्बै बिश्‍वासीमैंलाइ लोमिंब् धोंलेन् ख्रीष्‍टर ङइ खैबै छ्ह थोइमुँ बिबै ताँ चइ क्‍हेमैंने बिब्‍मुँ।

फिलिप्पी 1:12

ओ अलि-अङाँमैं, क्‍हेमैंइ चु ताँ सेरिगे बिसि ङए सैंर ङ्हाँइमुँ: तो ताँ बिस्याँ, ङइ योंबै दुःखमैंइ लमा सैं तोंबै ताँ खन्तोंदोंन् फेनेबै के तइमुँ।

कलस्सी 1:7

ङिने बालु के लबै खोबै थु इपाफ्रासउँइँले क्हेमैंइ सैं तोंबै ताँ थेइ। चइ क्हेमैंए ल्हागिर येशू ख्रीष्‍टए भर पर्दिल्‍ले के लइमुँ।

१ तिमोथी 4:6

प्रभु येशूउँइँले खबै सैं तोंबै ताँमैं नेरो क्हिइ कोलो ओंनोंन् म्हाँदिबै क्ह्रोंसेंन्बै ताँमैं लोबइले क्हि प्रभुए फिर बिश्‍वास लबर भोंब् तसिन्मुँ। छतसि चु ताँमैं क्हिइ अरू अलि-अङाँमैंलाज्यै या लोमिंस्याँ क्‍हि येशू ख्रीष्‍टए के लबै छ्याँबै म्‍हि तब्‍मुँ।

२ तिमोथी 4:12

तुखिकसलाइ ङइ एफिसस सहरर कुलइमुँ।

तीतस 3:12

चु खुँबै म्हैंनर ङ निकोपोलिस बिबै नाँसर टिबै सैं मुँ। छतसि ङइ अर्तिमास अथवा तुखिकसलाइ क्हि ङाँर कुल्‍मिंमा क्हि चर ङ ङाँर खैले बिलेया खो।

फिलेमोन 1:16

तारे च क्हिए केब्छैं आङिं, केब्छैं भन्दा थेब क्‍हिइ खोबै अलि तरिगे। ङइ चलाइ बेल्‍ले म्हाँया लमुँ। बिलन् त्हुमा अझै क्हिए ल्हागिरि च क्हिए के लबै म्हि ग, झन् च भन्दै थेबै ताँ च प्रभुए फिर बिश्‍वास लबै खोबै अलि ग। छतमा क्हिज्यै या चलाइ बेल्‍ले म्हाँया लब्‍मुँ बिसि ङए सैंर ङ्हाँइमुँ।

१ पत्रुस 5:12

सिलास बिब भर लल् खाँबै अलि ग। चए योउँइँले ङइ चु च्‍युरिन्ठि प्ह्रिछ्या क्‍हेमैंए ल्हागिर प्ह्रिल् पिंइमुँ। परमेश्‍वरए क्ह्रोंसेंन्बै दयाम्हाँया चु प्ह्रिछ्यार ङइ ग्वाइ पिंदा ङ्हाँइमुँ। खीए दयाम्हाँयार्न क्हेमैं भोंसि तद् बिसि ङइ अर्थि पिंम्।

२ पत्रुस 3:15

झाइले ङ्योए प्रभुजी म्‍हिमैंए पापमैं सैदिमा ङ्यो जोगेबै मौका पिंइमुँ बिसि सैंर मैंन्। चु ताँ ङ्योए खोबै आघें पावलज्यै या परमेश्‍वरजी पिंबै बुद्धिजी चु ताँमैं खीए प्ह्रिछ्यार क्‍हेमैंए ल्हागिर प्ह्रिइमुँ।