एफिसी 6:18 - परमेश्‍वरए ताँ तमु क्युइर

¹⁸ च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

एफिसी 6:18 ပူးပေါင်းရင်းမြစ်များ

एस्तर 4:8

म्रुँइ शूशनर यहूदीमैं सैल् त्हुम् बिसि प्ह्रिबै प्ह्रिछ्यार्बै ताँमैं अर्को काउदर सार्दिसि चु प्ह्रिछ्या एस्तरलाइ पिंन् बिइ, धै “ह्रोंसए ह्रेंमैं जोगेबै ल्हागिर क्हि म्रुँ ङाँर ह्‍यासि बिन्ति लद्!” बिबै ताँ या एस्तरने खैलसेया बिद् बिसि मोर्दकैइ हताक कुलइ।

भजनमैं 4:1

ओ ङलाइ ठिक ठर्दिमिंबै परमेश्‍वर, ङइ ग्वार ह्रिमा ङलाइ ज्वाफ पिंन्। ङए फिर दुःख तमा क्हिजी ल्होमिंइ। ङए फिर दयाम्हाँया लमिंसि ङए प्राथना थेमिंन्!

भजनमैं 6:9

ल्होमिंन् बिसि ङइ ग्वार ह्रिमा याहवेहजी थेइमुँ; ङइ लबै प्राथनाए ज्वाफ खीजी पिंम्।

मत्ती 17:21

[दिलेया बर्त टिसि प्राथना आलन् समा क्‍हेमैंइ छाबै खालर्बै मों ल्‍हाल् आखाँ।]

मत्ती 26:41

दुष्‍टए ङोर आफेरिगे बिसि न्हरु आच्हुइनाले प्राथना लद्। क्ह्रोसेंन सैंरम् खाँलै ङ्हाँमुँ, ज्यु बिस्याँ आखाँ।”

मर्कूस 13:33

छतसि न्हक्रों मिक्रोंले टिदु धै प्राथना लद्, तलेबिस्याँ च त्हे खोंयों तम् बिसि क्‍हेमैंइ आसे।

मर्कूस 14:38

दुष्‍टइ क्‍हेमैंलाइ पापर आच्होरिगे बिसि न्हरु आच्हुइल्‍ले प्राथना लद्। क्‍हेमैंए सैंइ खाँलै ङ्हाँम्, दिलेया ज्युइ बिस्याँ आखाँ।”

लूका 21:36

छतसि च ङ्हिंन् तबै ताँमैंउँइँले जोगेसि म्हिए च्हए उँइँर राल् योंबै ल्हागिर परमेश्‍वरने प्राथना लब्रें लसि न्ह क्रोंले टिद्।”

लूका 22:46

येशूजी चमैंने बिइ, “क्‍हेमैं तले रोरिल? रेद्, पापर आच्होरिगे बिसि प्राथना लद्।”

लूका 3:26

नग्‍गैए आबा मात मुँल। मातए आबा मत्तथियास मुँल। मत्तथियासए आबा सेमैन मुँल। सेमैनए आबा योसेख मुँल। योसेखए आबा योदा मुँल।

लूका 3:37

लेमेखए आबा मतूशेलह मुँल। मतूशेलहए आबा हनोक मुँल। हनोकए आबा येरेद मुँल। येरेदए आबा महलालेल मुँल। महलालेलए आबा केनान मुँल।

चेला चिब्मैंए केमैं 1:14

कोइ च्हमिरिमैं नेरो येशूए आमा मरियम, येशूए अलिमैंने बालु सैं घ्रि तसि खोंयोंन् बिलै प्राथना लरिमल।

चेला चिब्मैंए केमैं 10:2

चइ परमेश्‍वर म्हाँदिमल, धै च नेरो चए परवा ताँनइ परमेश्‍वरजी बिब ङिंमल। चइ थेबै सैंइ म्हिमैंए खाँचोमैं टार्दिमिंसि परमेश्‍वरने खोंयोंन् बिलै प्राथना लरिमल।

चेला चिब्मैंए केमैं 12:5

छले पत्रुस झेलर च्युवामा चए ल्हागिर बिश्‍वासीमैंइ बेल्‍ले भों खसि परमेश्‍वरने प्राथना लरिल।

चेला चिब्मैंए केमैं 6:4

ङि बिस्याँ खोंयोंन् बिलै प्राथना नेरो परमेश्‍वरए ताँ बिमिंबै केर प्रब्मुँ।”

रोमी 12:12

क्‍हेमैंइ थेंबै आशार सैं तोंन्ले टिरिद्। दुःख तमा सैं भोंब लद्। झाइले खोंयोंन् बिलै प्राथना लरिद्।

रोमी 8:15

तलेबिस्याँ परमेश्‍वरजी क्‍हेमैंलाइ पिंबै प्ल्हजी क्‍हेमैंलाइ क्ल्हे म्रोंसि ङ्हिंबै केब्छैं धों तल् आत्हुब् लमिंइमुँ, बरु पबित्र प्ल्हजी क्‍हेमैंलाइ परमेश्‍वरए च्‍ह-च्हमिमैं लमिंइ, छतसि खीए पबित्र प्ल्हए भोंउँइँले ङ्योइ परमेश्‍वरने “आबा, ओ ङए आबा,” बिल् योंइमुँ।

गलाती 4:6

क्‍हेमैं खीए प्हसेमैं तबइले परमेश्‍वरजी ह्रोंसए च्‍हए प्ल्ह ङ्योए सैंर कुल्‍मिंइमुँ। छतसि च प्ल्हउँइँले ङ्योइ परमेश्‍वरने “आबा, ओ ङए आबा” बिम्।

एफिसी 1:16

चु ताँ थेसि ङइ परमेश्‍वरलाइ धन्‍यबाद पिंब आपिइमुँ। ङइ खोंयोंन् बिलै क्‍हेमैंए ल्हागिर प्राथना लरिम्।

एफिसी 2:22

छले ख्रीष्‍टने घ्रिन् तबइले क्हेमैं अरू ह्रेंमैंलाज्यै या परमेश्‍वरए पबित्र प्ल्ह टिबै धिं बनेसिन् मुँ।

एफिसी 3:18

धै ख्रीष्‍टए फिर बिश्‍वास लबै ताँन् म्हिमैंने बालुन् तमा खीजी ङ्योए फिर लबै म्हाँया कति प्ल्हाब, कति ह्रिंब, कति नुब, कति गैरु मुँन बिबै ताँ क्हेमैंइ क्होल् खाँरिगे।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

एफिसी 6:19

सैं तोंबै ताँ बिप्रबै लमा ङ झेलर तनाबिलेया ङ ख्रीष्‍टए ताँ बिमिंबै स्यार्बो ग। छतसि ङ पोंबर होंमा परमेश्‍वरजी ङए सैंर खीए ताँमैं झोंमिंरिगे, धै सैं तोंबै ताँए बारेर था आसेबै चाँजो ङइ छेनाले था पिंल् खाँरिगे,

फिलिप्पी 1:4

बेल्‍ले सैं तोंदै ङइ खोंयोंन् बिलै क्‍हेमैंए ल्हागिर प्राथना लमुँ,

फिलिप्पी 4:6

छतसि तोइ ताँरै या न्हुँ आलद्, बरु तो चैदिले या ताँन् सैए ल्हागिर परमेश्‍वरलाइ धन्यबाद पिंसि प्राथनार ह्रोंस चैदिबै सैमैं ह्रिद्।

कलस्सी 1:3

ङिइ क्‍हेमैंए ल्हागिर प्राथना लमा ङ्योए प्रभु येशू ख्रीष्‍टए आबा परमेश्‍वरलाइ खोंयोंइ या धन्‍यबाद पिंम्।

कलस्सी 1:4

तलेबिस्याँ येशू ख्रीष्‍टए फिर्र क्हेमैंइ लबै बिश्‍वास नेरो परमेश्‍वरए म्‍हिमैं ताँनने क्‍हेमैंइ म्हाँया लइमुँ बिसि ङिइ थेइमुँ।

कलस्सी 4:2

परमेश्‍वरलाइ धन्‍यवाद पिंसि आनारल्‍ले न्ह क्रो मि क्रोंले खोंयोंइ या प्राथना लरिद्।

१ थेसलोनिकी 5:17

खोंयोंन् बिलै परमेश्‍वरने प्राथना लरिद्।

१ तिमोथी 2:1

ताँन् भन्दा ओंसों ङइ क्हिने बिल् त्हुबै ताँ, ताँन् म्‍हिमैंए ल्हागिर छ्याँबै खोंउँइँले परमेश्‍वरने प्राथना लसि चमैंए फिर आशिक ह्रिंमिंन्। धै चमैंइ लबै केए ल्हागिरि परमेश्‍वरलाइ धन्‍यबाद पिंन्।

२ तिमोथी 1:3

ङए खेमैं-मामैंइ परमेश्‍वरए केमैं छ्याँबै सैंइ लब् धोंले, ङज्यै या छ्याँबै सैंउँइँले परमेश्‍वरए के लम्, छले ताँनइ छ्याँबै सैंउँइँले मान लल् त्हुबै परमेश्‍वरए सेवा लबै म्हि क्हि तबइले ङए प्राथनार खोंयोंइन् बिलै ङइ क्हिए ल्हागिर परमेश्‍वरलाइ धन्‍यबाद पिंम्।

फिलेमोन 1:5

तलेबिस्याँ क्‍हिइ प्रभु येशूए फिर बिश्‍वास लसि ताँन् बिश्‍वासीमैंने म्हाँया लइमुँ बिबै ताँ ङइ थेइमुँ।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।

१ पत्रुस 4:7

ताँन् सै नुयाबै त्हे तखइमुँ। छतसि प्राथना लल् खाँरिगे बिसि छ्याँबै सैं प्ह्‍यासि न्ह क्रों मि क्रों तरिद्।

यहूदाइ प्‍ह्रिबै प्ह्रिछ्या 1:20

दिलेया ओ ङए खोबै थुमैं, क्‍हेमैं बिस्‍याँ ह्रोंसइ लबै पबित्र बिश्‍वासर भोंसि ततै ह्‍याद्, धै पबित्र प्ल्हए शक्‍तिउँइँले प्राथना लद्।