एफिसी 6:13 - परमेश्‍वरए ताँ तमु क्युइर

¹³ छतसि परमेश्‍वरए बचनइ बिब् धोंलेन् प्रद्। छले प्रसि क्हेमैंए फिर खैबै दु:ख तना बिलेया सैदिल् खाँब्मैं तद्।

एफिसी 6:13 ပူးပေါင်းရင်းမြစ်များ

लूका 21:36

छतसि च ङ्हिंन् तबै ताँमैंउँइँले जोगेसि म्हिए च्हए उँइँर राल् योंबै ल्हागिर परमेश्‍वरने प्राथना लब्रें लसि न्ह क्रोंले टिद्।”

लूका 8:13

झाइले गेगरर तेबै प्‍लु चुन् ग: खाबइ परमेश्‍वरए ताँ थेसि सैं तों-तोंइ क्‍वेंम्। दिलेया चमैंए जरा आत। छतसि चमैंइ तिस्याँदे मत्‍त्रे च ताँ क्वेंम्, तलेबिस्याँ ह्रोंसए फिर दुःखमैं तमा बिब् धों आतमा चमैंइ पिवाम्।

रोमी 13:12

म्‍हुँइँस ह्‍याल् खाँइ, तारे त्हिंयाँ प्रेबर होंइमुँ। छतसि मिछु खैबर लबै केमैं पिवाद्। बरु परमेश्‍वरए ह्‍वेर टिसि छ्याँबै के लद्, हत्‍यारमैं छेसि पापने नेद्।

२ कोरिन्थी 10:4

तलेबिस्याँ ङिइ छेबै हातियार ह्‍युलर्बै म्‍हिमैंइ छेब् धों तब आङिं, ङिइ छेबै हातियारम् परमेश्‍वरए थेबै शक्‍ति मुँबै बचन ग। च बचनइ भोंबै किल्‍लामैं नास लवाल् खाँम्।

एफिसी 5:16

चु जुग आछ्याँब मुँ। छतसि क्‍हेमैंने मुँबै त्हे खेरो ह्‍याल् आपिंन्, छ्याँबै केमैं लप्रद्।

एफिसी 5:6

केर आफेबै स्योलिबै ताँए लिलि प्रसि धोकार आफेद्। तलेबिस्याँ बिब् आङिंसि छाबै आछ्याँबै केमैं लप्रब्मैंए फिर परमेश्‍वरजी थेबै ह्रिस ङेब्‍मुँ।

कलस्सी 4:12

क्‍हेमैं न्‍होंर्बै अर्को येशू ख्रीष्‍टए के लबै म्‍हि इपाफ्रासज्यै या क्‍हेमैंने जय मसीह बिमिंइमुँ। क्‍हेमैंए सैं भोंब् तरिगे, ताँन् सैरि पक्‍का तरिगे, झाइले परमेश्‍वरजी बिब् धोंले क्‍हेमैंइ ताँन् लरिगे बिसि चइ खोंयोंइन क्‍हेमैंए ल्हागिर बेल्‍ले प्राथना लसेन्‍मुँ।

याकूब 4:7

छतसि परमेश्‍वरजी बिब ङिंन्, दुष्‍टए ताँ आङिंन्। छलस्याँ दुष्‍ट क्‍हेमैंउँइँले न्हेह्‍याम्।

१ पत्रुस 4:1

येशू ख्रीष्‍टजी खैले दुःख नोल, छलेन क्‍हेमैंज्‍यै या दुःख नोल् त्हुलेया नोम् बिबै सैं लद्। तलेबिस्याँ ज्युर दुःख नोबै म्हिमैंइ पाप लब पिवाम्।

दर्शन 3:10

पृथ्‍बीर्बै ताँन् म्हिलाइ जाँच लबर दुःख तबै त्हे खब्‍मुँ। दिलेया ङइ ‘ढुक्‍कले सैदिद्’ बिमा क्‍हेमैंइ ङिंइ, छतसि च जाँच लबै त्हेर खबै दु:खउँइँले ङइ क्‍हेमैंलाइ जोगेमिंस्‍यो।

दर्शन 6:17

तलेबिस्याँ खेंमैं बेल्‍ले ह्रिस खबै त्हिंइ खइमुँ। खेंमैंए उँइँर खाब् राल् खाँब?” बिसि चमैंइ बिइ।