एफिसी 5:32 - परमेश्‍वरए ताँ तमु क्युइर

³² चुर बेल्‍ले थेबै क्‍ह्रोंसेंन्‍बै ताँ ग। धै चु ताँ ख्रीष्‍ट नेरो बिश्‍वासीमैंए न्होंर्बै ताँ ग बिसि ङइ बिम।

एफिसी 5:32 ပူးပေါင်းရင်းမြစ်များ

यूहन्‍ना 3:29

खाब्ने बालु प्ह्रेंस्यो मुँ, चन् प्ह्रेंरो ग। प्ह्रेंरोए थु प्ह्रेंरो ङाँर रासि खीए कै थेसि बेल्‍ले सैं तोंम्। छतसि ङ बेल्‍ले सैं तोंइँमुँ।

२ कोरिन्थी 11:2

तलेबिस्याँ क्‍हेमैं कन्‍ये धों तब् ग, ख्रीष्‍टने बालुन् ब्ह्‍या लमिंबै ल्हागिर ङइ क्हेमैंलाइ ह्रिथेंइमुँ। छतसि क्‍हेमैंए फिर्बै ङए ह्रिस परमेश्‍वरल् धोंन् तबै ह्रिस ग।

एफिसी 5:31

परमेश्‍वरए छ्वेर छले प्ह्रिइमुँ: “मुँयुँइ ह्रोंसए आबा-आमा पिसि ह्रोंसए प्‍ह्रेंस्‍योने क्ह्रिसि टिब्मुँ, धै चमैं ङ्हिं घ्रिन् तब्‍मुँ।”

एफिसी 5:33

तो मुलेया क्‍हेमैं ताँन् ह्रोंसलाइ धोंलेन् मुँयुँमैंइ ह्रोंसए प्‍ह्रेंस्‍योलाइ म्हाँया लल् त्‍हुम्, छलेन प्ह्रेंस्योमैंज्यै या ह्रोंसए प्‍युँलाइ मान लल् त्‍हुम्।

एफिसी 6:19

सैं तोंबै ताँ बिप्रबै लमा ङ झेलर तनाबिलेया ङ ख्रीष्‍टए ताँ बिमिंबै स्यार्बो ग। छतसि ङ पोंबर होंमा परमेश्‍वरजी ङए सैंर खीए ताँमैं झोंमिंरिगे, धै सैं तोंबै ताँए बारेर था आसेबै चाँजो ङइ छेनाले था पिंल् खाँरिगे,

कलस्सी 2:2

क्‍हेमैं ह्रों-ह्रोंसए न्होंर म्हाँयार सैं घ्रि तसि क्हेमैंए सैं भोंब् तरिगे, धै परमेश्‍वरउँइँले खबै क्ह्रोंसेंन्बै बुद्धिइ प्लिंसि परमेश्‍वरइ लोथेंबै ताँ क्‍हेमैंइ सेरिगे। च ताँ तो जा बिस्याँ, येशू ख्रीष्‍ट ङो सेल् योंब् ग।

१ तिमोथी 3:16

येशू ख्रीष्‍टए बारेर परमेश्‍वरजी उँइँमिंबै ताँमैं कति थेब मुँ बिसि ङ्योइ क्ह्रोंसेंन्ले थहा सेसि बिम्: येशू ख्रीष्‍ट म्‍हिए क्हो किंसि चु ह्‍युलर युइ, पबित्र प्ल्हउँइँले खी ठिक ठर्दिइ, स्वर्गदूतमैंइ खीलाइ म्रोंइ, ह्रें ह्रेंर्बै म्‍हिमैंए म्हाँजोर खीए बारेर्बै ताँ म्हिमैंइ बिप्रइ, ताँन् ह्‍युलर्बै म्‍हिमैंइ खीए फिर बिश्‍वास लइ, झाइले थेबै मानले खी स्‍वर्गउँइँ क्वेयाइ।

१ तिमोथी 3:8

छलेन डिकनमैं या छ्याँबै बानि ब्योर प्ह्‍याल् त्‍हुम्, क्ह्रोंसेंन्बै ताँ पोंल् त्‍हुम्। प्हा थुँसि म्हेरल् आत, धै सै न्होरए लोबै या लल् आत।

दर्शन 21:2

दिलेया छारा यरूशलेम, “परमेश्‍वरए पबित्र सहर” प्ह्रेंरोए ल्हागिर प्‍ह्रेंस्‍यो पैरेब् धोंले पैरिसि स्‍वर्गउँइँले युरिब ङइ म्रोंइ।